79:16–79:46

Tsia ewa Firauni. toto ye yaburirira.

Umubolele mbu: “Koo ochama okhuba omutswenufu?”

Ekhwimilile khu Nyasaye wo onyoole okhumuria.

Mana namwenchesia ebimanyisio ebikhongo.

Ne naloba nakhaila elala.

Khandi nakalukha inyuma, nakhola eshinani. (Okhukania abandu balafuchilila Musa tawe)

Nakhung’asia abandu nalaanga.

Naboola mbu: “nesie Nyasaye wenyu Omukhongo.”

Kho Omulonji namutila namwa eshinyasio khukayaboola kokhumalilikha (nesie Nyasaye wenywe omukhongo) nende kayaranjilila (Abulaho Nyasaye wundi owulali esie).

toto esho neshimanyisio khubalia baria Nyasaye.

Koo! Nobutinyu okhuloonga enywe nohomba likulu? Ye niye waliumbakha!

yalichingula, nalikasia obulayi.

Ne nara eshilima mushilo shiayio, ne nayiniamwo eshitere.

Akhurula awo nakwalasia liloba.

Narusiamwo amatsikayio nende emimela

Ne nabuusia tsingulu,

Khubukhala bwenyu nende ibiayo bienyu.

olwamatinyu amakhongo kaliula,

Inyanga yomundu alitsulila kayakhola,

ne jahanamu ilisitibwa khu ulola,

ne ulia waburirira mubufuru,

mana nachama muno ubulamu bweshialo.

toto jahanamu neshimenyo shishie!

Ne ulia waria okhwema imbeli Wa Nyasaye wuwe , nakania omwoyo kukwe obwikombi,

Toto oyo Mwikulu nishiliba eshimenyo shishie!

Bakhurebanga ebise bieyindukho biliba lina?

Oli nashina ewe wakhanyala okhuyirumbula?

Obumalilishi bweinyanga eyo buli khu Nyasaye wuwo Omulesi.

Toto ewe oli butswa Omwikanyilisi khu ulia owaria inyanga eyo.

Olwa baliyilola inyanga eyo, balikaala mbu shibamenya khwo (khushialo) tawe halali ingolobe ndala nohomba eshitere shiayo.