78:31–79:15

(balinyola) Emekunda nende tsizabibu,

Nende abakhana bayela ninabo,

Nende tsigilasi tsitsule (ebinywebwa ebilayi),

Shibalihulilamwo obusilu nohomba amayinji tawe.

Omurungo ukhurula Khu Nyasaye wuwo Omulesi omurungo kuyela.

Nyasaye omulesi welikulu nende eshialo nende biosi bilimwo umunji wetsimbabasi shibalilomaloma imbeli wuwe tawe.

Inyanga ya Roho (Jibreel) alisinjila nende abamalaika khulunyaali. Shalilomaloma yesiyesi tawe okhuyiniakhwo ulia ulifuchililwa nende Nyasaye wetsimbabasi, ne aliboola obulamba bwonyene.

Eyo niyo inyanga yatoto. Ne owenya atile injila akalushile Nyasaye wuwe Omulesi.

Toto efwe khubekanyisilia eshinyasio shili ahambi okhuula. Inyanga yomundu alilola kayakhola omwene. Ne omukhayi aliboola mbu: “khamaashile ndakhabele liloba!”

Nditsuba Khubamalaika bakhunyulanga (emioyo cha bakhayi) nende amaani.

Nende balia barusinjia (emioyo chiabasubili) kaala.

Nende balia bakulukhanga mwikulu bukulukha.

Nende balia bashilananga tsimbilo (nende emioyo chiabasubili okhuyila mwikulu).

Nende balia bakasinjia amakhuwa. (emioyo emibi nichinyoola eshinyasio, ne emilayi nichisangasibwa)

Inyanga yolwika lulikhupwa lweyimbeli (lulirenjia buli eshindu)

Ne ulwika lundi lulilondakhwo.

Inyanga eyo emioyo chilirengarenga khuburi,

Tsimoni tsiachio tsilikhookha. (tsilihenga hasi.)

(Abakhayi) boboolanga mbu: “khulikalusibwa toto shinga khwali?” (Khulilamusibwa)

Olwakhuliba ebikumba bibulungukha?

baboola mbu: “okhukalusibwa okho nikhweshikhaya (khwifwe! )

Kho toto okhulamusibwa okho ni oluyoka lulala lwonyene,

Awosa awo buli eshiloonje shiliba mushikuri eshiya.

Koo! lwakhulilakhwo Olukano lwa Musa?