80:1–80:42

Khulwokhwitsilwa nende Omuwofu!

Ne nishina shikhumanyia ye awundi anyala ukhwitwenula?

Nohomba aletsulisibwa mana ametsulisio kamukhoonye.

Ne ulia wilola mbu kamubulilamwo oluchendo.

Nawe niye oworerekhwo eshinani?

Shikali khwiwe tawe nakhaya okhutswenukha.

Ne ulia ukhwitsila neshinani,

Naye naririre,

Niye niwokhupila likosi?

shikali kario tawe! khuno nokhwitsulisania.

Ulia uchama yetsulile.

Kali mutsimbapulo tsiahebwa oluyali,

Tsiarebwa hekulu tsinswenufu.

Tsili mumikhono chabamalaika abahandichi,

Boluyali abalayi.

Omundu yasikha! Nishina shimukholanga aba omukhayi?

Yalongwa okhurula khushina?

okhurulana nende indonyande yamaatsi kolwibulo, yamuloonga mana namubalilila.

Mana namwanguyilisilia injila.

Mana namufwisia namura mushilindwa

Mana nalichamila alimulamusia.

Tawe! Ashili akhumala kayamulomesia.

Kho Omundu ahenjekhwo eshilibwa shishie.

Toto efwe khwayomboola amatsi buyomboola,

Ne nikhukalukhasia liloba bukalukhasia

Ne nikhumesiamwo imele,

Nende tsizabibu nende iliani liamasafu,

Nende emizaituna nende mitende,

nende emikunda chiemisala chiasitanakhwo obulayi,

Nende ebiamo, nende olwayilo lwemiruko.

khulwo obukhala bwenyu nende ebiruche bienyu.

mana shingala omwayukho kuliitsa,

Inyanga yomundu alimwilukha omusiani wabu,

nende Nyinamwana nende Samwana,

Nende omukhaye wuwe nende abaanabe.

Buli shiamulala aliba nende akeke kamuyela

inyanga eyo obweni bundi buling’enang’ena,

bulitsekha nibusangalile,

na obweni bundi inyanga eyo buliba nende olufu,

Ishilima tititi shilibufunikha,

Abo nibo abakhayi abakholi betsimbi.