Ne koo baboolanila kano? halali bo ni abandu abakhayi.

Mana lekhana ninabo, newe sholafunanibwa tawe.

Ne itsulisia, toto ametsulisio kakhoonyanga Abasuubili.

Ne shindaloonga Majini nende Abandu halali khulwokhunaama esie.

Ne Shebenyakhwo omukabo tawe, ne shindenya bandisie tawe.

Toto Nyasaye niye Omukabi, Owamani amanji.

Ne toto balia abamabii, bali nende tsimbi tsiabu shinga tsimbi tsia abaashiabwe. kho balayungubasia tawe.

Ne eshinyasio eshikhongo khubalia bakhaya inyanga yabu yabalakwa.

Nditsuba khulukulu lwa Tur.

Nende khushitabu shiahandikwa.

Khuliseelo liabambulwa.

Nende khunzu yombakhwa.

Nende khushitsafu shiachingulwa.

Nende khunyanza yetsula.

Toto eshinyasio shia Nyasaye wuwo omulesi shilibaho.

Abulaho ulishiikalila.

Inyanga yelikulu lilirenga okhurenga khwene.

Ne tsingulu lwatsilikulukha bukulukha.

Eshinyasio eshikhongo inyanga eyo nikhubamayinji.

Balia babayanga mumakhuwa kobusilu.

Inyanga yabaliluumwa mumulilo obutinyu.

Baliboolewa mbu: Kuno niko omulilo kwa mwaingananga.