Koo buno ni obulosi nohomba shimulolangasa tawe?
Mushaf reader · page 524 of 604
52:15–52:31
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Injilemwo, mwifwile nohomba mukhaye okhwifwila ninashilala, toto enywe murungungwa kamwakholanga.
Toto balia baria Nyasaye baliba mwikulu mumikunda nende mubwokholo.
Nibasangalila khuka Nyasaye wabu abahelesiye, ne Nyasaye wabu alibahonokosia khu shinyasio shiomulilo.
Lie ne munywe mumwikhoyo khukalia kamwakholanga.
Ne baliyekha khubifumbi bwoluyali, bilondokhane khulunyali, ne khulibabashila abakhana bomwikulu (hurul ain)
Ne balia basuubila mana olwibulo lwabu nilubaloonda khukhusuubila khulibabukanania, ne shikhulibalemilia khubikhole biabu shiosishiosi tawe, buli omundu alirungwa shiayakhola.
Ne khulibametela ebiamo nende inyama shingala benya.
balihelesianamwo tsigilasi tsilimwo eshinywebwa shibulamwo eshifwabi nohomba obwonooni.
Ne abakholi babu balibabotokhana, bang’enang’ena opara mbu ebisole bifunikhwe mugilasi.
Ne balihengana abeene khubeene nibareebana.
Baliboola mbu: Toto efwe khwali khale nabandu befu nikhwaria.
Mana Nyasaye nakhukhonya, nakhuhonia okhurulana nende eshinyasio shiomulilo.
Toto efwe khwamulamangaye yenyene butswa. Toto ye niye omulayi wobukoosia.
Kho yitsulisia, ne khutsimbaasi tsia Nyasaye wo sholi omulosi nohomba omulalu tawe.
Nohomba bobolanga mbu uno ni omukaasia wetsinyimbo, wakhulindanga lifwa limuulile.
Boola mbu: Lindilisie toto esie siesi endi halala ninanyu mukhulindilisia.
الطور