Adh-Dhariyat

Nditsuba khu muyeka (imbumbuyeka) kusalaasinjia,

Nende kuchinganga emisiiko,

Nende kuwutsitsanga khubwangu,

Nende Kukabaanga shinga kulomesibwe.

Toto kamulakungwa nikahabwene.

Ne toto inyanga yomurungo ilibaho.

Nditsuba khulikulu lilinende tsinjila,

Toto enywe muli mumakhuwa kawukhaane.

Akalukhanibwa okhurula khubwatoto ukalukhanibwa.

Abachishi balisishibwa.

Balia bakoyanila mubusilu.

Barebanga mbu: , ni lina inyanga yomurungo?

Inyanga eyo balinyoola eshinyasio shiomuliro.

Pile eshinyasio shienyu shino, nishoshamwayungubalilanga.

Toto balia baria Nyasaye baliba mwikulu mumikunda nende tsisebele.

Nebalibukula ka Nyasaye abahele, toto abo bali bamalayi.

Bakonanga hatiti butswa eshilo.

Ne mumashebelende balaamanga nibasaba eshileshelo.

Ne mumiandu chiabu omukabo kwa basabi nende balasanga kwalimwo.

Ne khushialo khulikhwo nende ebimanyisilio khubasuubila toto.

Ne khu mibili chienyu, “koo shimulolangakhwo tawe?”

Ne mwikulu kuliyo omukabo kwenyu, nende kamulakungwa.

Kho nditsuba khu Nyasaye omulesi welikulu nende eshialo, mbu toto kano nikahabwene shinga enywe muboolanga.

Koo lwakhulilakhwo olukano lwa bacheni ba Ibrahim boluyali.

Olwa benjila ewuwe niboola mbu: “ Mulembe” Naye nabakalusia mbu: “Mulembe muno abandu bengorerwe”

Natsia khubandu be, niyetsa nende eshimosi shianera.

Nabasitilia hambi eshiakhulia, nabareba mbu: “shimulia tawe ?”

Naba noburi khubo, nibamuboolela mbu “olaria tawe ” , ne nibamulaka omusiani omuchesi muno.

Nilwo omukhasi wuwe yabachoma, nawuka niyepama obweni naboola mbu: “ Esie omushiele mana omukumba- ndakhebula endie? ”

nibaboola mbu: “ endio nilwakali nilwa Nyasaye wuwo omulesi oboolele, toto niye owamachesi muno omumanyi po.

Naboola mbu: “ oburume bwenyu ni shina enywe Abarumwa ? ”

nibabola mbu: “ toto efwe khurumilwe khubandu abetsimbi.”

Khubalasile amachino keliloba.

Karebwakhwo eshimanyisio okhurula khu Nyasaye wuwo khulwa balia babura eshichelo.

Ne nikhurusiamwo Abasuubili balimwo.

Ne shikhwanyoolamwo halali inzu ndala yonyene yabasuubili.

Ne nikhulekhamwo eshimanyisio khubalia baritsanga eshinyasio eshilulu.

Ne khulukano lwa Musa, olwa khwamuruma khu Firauni nende ebifune bilolekha.

Nakhola obufuru khumaanikeke naboola mbu, “ Oli omulosi nohomba omulalu”

Nenikhumutila nende omukanda kukwe kwabalwani nikhubasukuna munyanza naye nali ufunaanibwa.

Ne (ukhusishibwa khwa) abandu ba A’aad, olwa khwabarumila omuyeka omukumba.

Shikwalekha shiosi shosi shiakwaburakhwo halali nikushikhola shinga likoshe.

Ne Abandu ba Thsamudi, olwa baboolelwa mbu: “mwikhoye khubise bititi”.

Ne nibakhaya okhulonda amalako ka Nyasaye wabu, mana likulu nilibakhupa nabo nibalola.

Mana nibakhanywa okhwema ne nibalanyalilwa akhwihabina tawe.

Ne Abandu ba Nuh imbeli eyo, toto bali Abandu aboononi.

Ne likulu khwaliumbakha khumaani nende obunyali, ne toto efwe khulinobunyali obushila ako.

Ne liloba khwaliala, ne khuli abaali abalayi balibarie efwe !

Ne buli eshindu khwaloonga eshisatsa neshikhasi kho munyoole okhwitsulila.

Mwilushile ewa Nyasaye, toto esie endi omwikanyilisi wenyu owahabulafu.

Ne mulameta khu Nyasaye, Nyasaye wundi tawe, toto esie endi omwikanyilisi wahabulafu urula khuye.

Ne endio,shiyabetsela Omurumwa yesi yesi khubali imbeli wabu halali baboola mbu: “Oyo ni Omulosi nohomba Omulalu”.

Ne koo baboolanila kano? halali bo ni abandu abakhayi.

Mana lekhana ninabo, newe sholafunanibwa tawe.

Ne itsulisia, toto ametsulisio kakhoonyanga Abasuubili.

Ne shindaloonga Majini nende Abandu halali khulwokhunaama esie.

Ne Shebenyakhwo omukabo tawe, ne shindenya bandisie tawe.

Toto Nyasaye niye Omukabi, owa amani amanji.

Ne toto balia abamabii, bali nende tsimbi tsiabu shinga tsimbi tsia abaashiabwe. kho balayungubasia tawe.

Ne eshinyasio eshikhongo khubalia bakhaya inyanga yabu yabalakwa.