Please wait while the requested workspace is prepared.
Mushaf reader · page 82 of 604
Read the protected Arabic beside the current Luhya translation, beneath each āyah, or as a continuous translation page.
Nende abakhasi babasatsa, halali balia abali mumikhono chiabu chieshilunji (abarumwa). Ako niko amalako ka Nyasaye khwinywe, ne musubulilwa balali abo, mukhaabe okhubateshia nende omwandu kwenyu okhubula okhukhola obwilaasi. Ngala mubaninabo khukhubateshia mubahelesie omurungo kwabu shingala kwahandikwa. Obubii bubulao khwinywe khushia murechelesania nimumalile okhumala kalachilwa. Toto Nyasaye ni Omumanyi Owamachesi muno.
Ne ulanyala mwinywe okhunyoola omwandu kwokhuteshia omukhasi omungwana omusuubili, ne ateshia okhurula khubarumwa abasuubili, abali mumukhono kukwe omusatsa, ne Nyasaye niye umanyile obusuubili bwabu, Ni enywe murulana abeene khubene. Kho mubateshie khumunwa kwa abaandu babu, ne mubahelesie omurungo khubulayi abakhasi abalayi balali abelaasi nohomba abatseche tawe. Nenibatekha mana bakhola eshifwolo ishinyasio shiabu shilaba inusu yabakhasi abangwana, Kano nikhu ulia uritsanga okhukhola eshifwolo shiobuyeyi. Ne nimwifwila nobulayi kwinywe, ne Nyasaye niwokhuleshela wetsimbabaasi.
Nyasaye yenya okhubeenosilia nende okhubalunjisia khu injila ya balia bali imbeli wenyu, mana amuleshele, Ne Nyasaye ni Omumanyi Owamachesi muno.
