Na bakholanga eshifwolo mubakhasi benyu, munyoole abaloli bane mwinywe, Nibabalola, mubekalile munzu okhuula shinga lifwa libabukula nohomba Nyasaye abererere injila yindi.
Mushaf reader · page 80 of 604
4:15–4:19
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne babili mwinywe nibakhola (eshifwolo) ako mubasandie (mubahe eshinyasio) ne nibekanila mana baba abalayi mubaleshele. Toto Nyasaye ni omunji weshileshelo, owetsimbabaasi.
Toto eshileshelo shifuchililwa nende Nyasaye ni shiabalia bakholanga amabii mubusilu, mana nibekanila nibasaba eshileshelo mulwangu. Abo nibo ba Nyasaye achamilanga eshileshelo shiabu. Ne Nyasaye ni omumanyipo owamachesi.
Ne babula eshileshelo balia bakholanga amabii, okhula mulala wabu niyolelwa nende lifwa, mana aboole: “Toto esie lano ndikanile.” Nohomba balia bafwitsanga nibali abakhayi. Abo khwabakasilia eshinyasio eshilulu.
Enywe abasuubila, shimuchamilwa okhuchelama(okhukalusia) abakhasi nende amaani tawe . Ne mulabasandia mbu khomubukule khubiamwabahelesia tawe, halali nibakhola obubii bwa habulafu. Ne mwikhale ninabo obulayi, ne nikali mbu bamusinya munyala okhukhaya eshindu na Nyasaye aramwo tsikhabi tsinyinji.
النساء