Ewe Omurumwa! Mbushina nokaana eshia Nyasaye wuwo yakhufuchilila? Okhaaba okhuchamisia abakhaye bobo. Ne Nyasaye ni Omulesheli Omukoosia muno.
Mushaf reader · page 560 of 604
66:1–66:7
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Toto Nyasaye yabahelesia injila yokhurimbulula ebitsubo bienyu, ne Nyasaye ni Omwami wenyu, Naye ni Omumanyi Owamachesi muno.
Ne olwa Omurumwa yaboolela mulala khubakhaye be likhuwa, mana omukhaye oyo shingala yalirusia habulafu, ne Nyasaye namanyia Omurumwa, yamwechesia ebuleka ne nakhaya okhumwechesia elubeka wundi. Olwa yamuboolela ario, omukhaye oyo naboola mbu: “wina ukhuboolele kano?” Omurumwa naboola mbu: “Omumanyi wamakhuwa koosi niye umboolele.”
Nimulasaba eshileshelo enywe babili emioyo chienyu chilenjila mubwonooni, ne nimukhonyana khulwo okhukholela Omurumwa amabii, Mumanye mbu toto Nyasaye niye omuhabini wuwe nende Jibril nende Abasuubili abakholi bamalayi, ne okhumetakhwo ako Abamalaika balamukhoonya.
Nabalekha, Nyasaye anyala okhumuhelesia abakhaye bandi habundu wenyu, abalayi okhushila enywe, abehotselefu, abasuubili, abarechelefu, abekanili , abalaami, abakholi bamalayi, nashikoko nende abakhaana bashili okhutekhakhwo .
Enye abasuubila, honokosie emioyo chenyu nende chia abandu benyu okhurulana nomulilo, kwe tsikhwi tsiakwo ni abandu nende amachina, abalindi bakwo ni Abamalaika abalulu aba amaani, shibakhayanga okhukhola lia Nyasaye ababoolele, tawe ne bakholanga liabalomesibwe.
Enywe abakhayi mulayinia ebichila olwa lelo tawe , toto murungungwa kamwakholanga.
بِسْمِ اللَّهِ الرَّحْمَٰنِ الرَّحِيمِ