Mubamenyie mutsinzu tsiamumenyangamwo, Ne mulabasandia baba neshibeela tawe, ne nibali hasiro (tsinda) mubahelesie obukhoonyi okhula shingala beboolola (bebula), Nenibanunilia abaana benyu mubarunge ne musanjilane khubulayi, ne nimulola obusiro omukhasi wundi abanunilie.
Mushaf reader · page 559 of 604
65:6–65:12
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Wobunyali arusie okhulondokhana nabunyali bubwe, ne ulanyalilwa arusie khu shia Nyasaye amuheele, Nyasaye shanichilisinjia omundu tawe halali khushia omuheelesiye. Nyasaye alarera imbeli wabusiro obwaangu.
Ne tsingongo tsinga tsiafunaka amalako ka Nyasaye nende Abarumwa bebe, mana nikhubabalila kabakholanga, ne nikhubahelesia eshinyasio eshilulu.
Mana nitsipila obubii bwamakhuwa kathsio, ne indukho yamakhuwa katsio niba okhusikha.
Nyasaye yabarecheshela eshinyasio eshilulu, Kho murie Nyasaye enywe abamachesi, abasuubila, toto Nyasaye yabeshilia ametsulisio.
Omurumwa ubasoomelanga tsinyaali tsia Nyasaye tsinoosinjia tsirusia balia abasuubila mana nibakhola amalayi mushilima nitsibara mubulafu, ne usuubila khu Nyasaye mana nakhola amalayi alamwinjisia mwikulu mumikunda chiburangamwo emialo, balimenyamwo tsinyanga tsiosi, toto Nyasaye alaba amuhelesiyie omukoba omulayi muno.
Nyasaye niye ulia owaloonga amakulu saba, nende liloba khu shichelo esho, amalako ke kekhanga hakari watsio, kho mumanye mbu toto Nyasaye ni Omunyala wabuli eshindu, ne toto Nyasaye yamanya buli eshindu shingala shili.
الطلاق