Mariam naboola; “Nyasaye wanje omulesi ndakhanyoola endie omwana ne omundu ashiili okhundilakho?” Nyasaye naboola; “nilwakali endio Nyasaye aloonganga shiayenya Nabusia likhuwa aboolangasa mbu libe! Niliba.”

Ne yetsa (Nyasaye) okhumwechesia okhuhandika nende amachesi nende Itaurati nende Injili.

Ne ni omurumwa khubaana ba Israili, ababoolela mbu;” Esie ebeetseele nende ishimanyisio okhurula khu Nyasaye wenyu omulesi, mbu ebalonjela okhurula khuliloba ishifwanani shieliyoni, mana efuremo emiuya ne liba liyoni khu bunyali bwa Nyasaye. Ne nditsa okhuhonia abawofu nende abamachele, ne ndalalamusia abafu khubunyali bwa Nyasaye. Ne ndalababoolela shiamulia nende shiamubikha mutsinzu tsienyu. Toto mukano khulomo nende eshimanyisio khwinywe nimuli mbu mwasuubila.

Ne endinyisia kali inyuma wanje mu Taurati ne abasubule ebindu bindi biamwali nimwekalilwa, ne ebeetseele nende ebimanyisio okhurula khu Nyasaye wenyu omulesi, kho murie Nyasaye wenyu ne mulonde shiebaboolela.

Toto Nyasaye ni omulesi wanje ne ni omulesi wenyu kho mumulaame ino ni injila ilunjifu.

Omurumwa Isah shingala yalola hakari wabu obukhayi nibuliwo yaboola mbu; “Ni wina omukhonyi wanje khuNyasaye?” Abechi bebe nibaboola; “Efwe khuli abakhoonyibo khu Nyasaye, Khusuubile Nyasaye ne ba omuloli mbu efwe khuli abehotselefu.”