Nyasaye, abulao Nyasaye wundi oulaliye tawe, ni omulamu omwemelesi wa koosi tsinyanga tsiosi.

Yakhwishilia eshitabu khubwatoto, eshifuchilisaninjia nende akali imbeli wuwe, Ne yeshia itaurati nende injili.

Inyuma awo, bibe ubulunjifu khubaandu, Mana niyeshia eshiawukhasio, Toto balia abayingasia ibimanyisio bia Nyasaye baliba nende eshinyasio eshilulu. Ne Nyasaye niwa amani muno owokhurunga.

Toto Nyasaye shosi shiosi sishifisanga khuye okhumanya tawe shibe mushialo nohomba mwikulu.

Ye niye obakasinjia mutsinda tsiabanyinenywe shinga yenya, Aumao Nyasaye ulaliye tawe, ni owamaani owamachesi muno.

Ye niye owabeshilia eshitabu shino, shilimo nende tsinyaali(tsiokhubusia)muhakamat, tsili nende okhumanyisia khuli abulafu, Esho nisho eshisina shieshitabu shino. Ne etsindi tsiliho tsietsinjela. Kho nebalia bomumioyo chiabu chilimo obukori boloondanga tsietsinjelo khulwokhukhaaba inzoka, nende okhukhaaba eshifune shiatso, Ne abulao umanyile eshifune shiatsio halali Nyasaye. Ne balia bali nende amayichikho amasiro mukhumanya, baboolanga mbu; khusuubile tsiosi tsirula khu Nyasaye wefu omulesi, Ne sibetsulilanga kano tawe halali balia abamachesi.

Nabo baboolanga mbu; Nyasaye wefu umulesi, olakosia emioyo chiefu nomalile okhuchilunjisia tawe, ne okhuwe tsimbambaasi tsirula ewuwo. Toto newe umuwani.

Nyasaye wefu omulesi, Ewe newe ulikhung’aasia abaandu khuyinyanga yibula obukanakani mwo. Toto Nyasaye shafunakanga indakano tawe.