Toto balia bakhaya shibulao shiosishiosi shilibakhonya ewa Nyasaye emiandu chabu nohomba abaana babu tawe, ne abo nibo tsikhwi tsiomumulilo.
Mushaf reader · page 51 of 604
3:10–3:15
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Shinga kalia kanyoola abandu bafirauni nende balia bali imbeli wabu. Bayingana ibimanyisio biefu , mana Nyasaye nabatila khumabii kabu, ne Nyasaye ni weshinyasio eshilulu.
Bolela abakhayi mbu; hambi ano mulashilwa ne mulakhung’asibwa murebwe mumulilo (Jahanam) ne eyo ni eshimenyo eshibi muno.
Toto shali eshimanyisio khwinywe olwa emikanda chibili chabukanana okhulwana. Omukanda mulala nikulwanilanga khunjila ya Nyasaye, ne okundi okwabakhayi, nikubalola abanji muno okhushila bo mara khabili, khulwo khubalola netsimoni. Ne Nyasaye yonganga omukhono owayenya khu buhabini bubwe, Toto mukano khuli nende emeeko khubandu betsimoni.
Abandu baronelwa okhuchama obwikombi bwa bakhasi , nende abana abasiani, nende amabunjikho ke idhahabu nende ifedha, nende tsifarasi nende emiruko, nende tsindalo. Oko ni omwikhoyo kwo bulamu bwokhushialo. Ne ewa Nyasaye niko amakalushilo amalayi.
Boola; “ebabolelekho amalayi okhushila ako? Khubaria Nyasaye bali nende emikunda ewa Nyasaye wabu echiburanga hakari wachio emialo. Balimenyamo tsinyanga tsiosi, nende abakhaye abatswenulwa, ne bali nende obuchami bwa Nyasaye, Ne Nyasaye alolanga abasumba bebe.
آل عمران