Baliboola mbu: “Abarumwa shibabeetselanga nende ebifune biahabulafu? Baliboola mbu: “kali kario” mana baliboolelwa mbu: “ musabe Nyasaye wenyu, ne amalaamo kabakhayi ni amakhaya imbeli wa Nyasaye.
Mushaf reader · page 473 of 604
40:50–40:58
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Toto efwe khulihabina abarumwa befu nende balia basuubila khushialo, nende inyanga yabaloli balieema.
Inyanga yebichila biabakhayi shibiliwulilwa tawe, ne balinyoola eshitsubo , ne balinyoola eshimenyo eshibi muno.
Netoto khwahelesia Musa obulunjifu ne nikhuhelesia abana ba Israil eshitabu.
Shilimwo obulunjifu nende emetsulisio khu bandu bamachesi.
Kho wisumilisie toto aka Nyasaye yalaka kalirulila, ne saba eshileshelo khumabii ko,ne witsomie Nyasaye wuwo omulesi ingolobe nende itsuli.
Toto balia bayingananga khubimanyisio bia Nyasaye nibabula amatililo , ebilifu biabu nebikhaya halali benyanga obukhongo ne shibanyala okhubuulila tawe, kho wilinde khu Nyasaye , toto ye ni Omuwlili Omuloli muno.
Toto okhulongwa khwelikulu nende eshialo nokhukhongo okhushila okhulongwa khwa Abandu, halali Abandu abanji shibamanyile tawe.
Ne shibahelaana omuwofu nende owulolanga tawe, nohomba balia abasuubila nibakhola amalayi bakhahelana nende abetsimbi? Muparanga hatiti muno.
غافر