Munanganga mbu ekhaye Nyasaye mana emutsokasie khukengorerwe , nasi emulanganga khu Owamaani Owobulesheli muno.

Toto owamunanjilanga okhumulaama shakhoyeshele okhukholelwa omulango khushialo khuno nohomba mwikulu tawe, ne efwe fwesi khulikalusibwa ewa Nyasaye , ne toto balia babura eshichelo nibo abandu bomumulilo.

Ne mulitsulila kebabolelanga kano ne endeshela amakhuwa kanje Nyasaye , toto Nyasaye alolanga muno abasumba bebe.

Mana Nyasaye nabalinda khubusuku bwabakhola, mana eshinyasio eshibii shilibotokhana abandu ba Firaun.

Balinjila mumulilo itsuli nende ingolobe ne olwa indukho iliula balibolelwa mbu: “injisie abandu ba Firauni mushinyasio eshilulu”

Olwa balirebana mumulilo, abateshele balireba abafuru mbu: “ toto efwe khwabaloondangakhwo mana munyala okhukhututuyiliakhwo omulilo kuno.”

Abafuru baliboola mbu: “ toto efwe fwesi khulimwo , toto Nyasaye amalile okhubusia khubandu bebe”

Balia bali mumulilo baliboolela abalindi bomulilo mbu: “ mukhusabilekhwo Nyasaye wenyu Omulesi , akhututuyiliekhwo eshinyasio kata inyanga ndala.”