Ne bekanyilisie inyanga ili ahambi , olwe emioyo chiliula khwiporokotio, nabo nibayinjilwe neshibeela, abamabii shibaliba nende omwitsa nohomba ubasabila yawulilwa tawe.

Yamanya okhukatia khwetsimoni, nende ke emioyo chifisanga.

Ne Nyasaye abusinjia kubwatoto , ne balia balaamanga owulali Nyasaye shibabusinjia shiosi shiosi tawe, toto Nyasaye nomuwulili omuloli muno.

Shibachendangakhwo khushialo mana balola indukho yabalia bali imbeli wabu, bali nende amaani amanji okhubashila, nende ebikhole ebikhongo khushialo, mana Nyasaye nabatila obutinyu khutsimbi tsiabu, mana nibakhaywa ubakhonya okhurula khushinyasio shia Nyasaye.

Endio nilwokhuba mbu Abarumwa babetselanga nende ebifune biyela mana nibakhaya ne Nyasaye nabatila, toto ye niwa amaani weshinyasio eshilulu.

Ne toto khwaruma Musa halala nende ebimanyisio biefu nende ebifune bia habulafu.

Khu Firaun nende Hamana nende Qarun, mana nibaboola mbu :” uno ni Omulosi Omubeyi muno.”

Olwa yabeetsela nende obwatoto okhurula khwifwe , baboola mbu: “yire abaana abasiani babalia basuubila ninaye , mana muleshe abaana abakhana, ne ebifwanga bia bakhayi shibili hosi hosi tawe halali mubukori.”