Ne okhufwanana khwa amakhuwa amabii khuli shinga omusaala omubii okwasiulwa okhurula mwiloba, kubula amemelo.

Nyasaye atinyilisinjia balia abasuubila, nende amakhuwa amatinyu mubulamu bwokhushialo nende bwomwikulu. Ne Nyasaye alekhanga bakora balia abakholanga obubii. Ne Nyasaye akholanga shinga lwayenya.

Koo shiwalolakhwo balia abakalukhania tsimbabaasi tsia Nyasaye, khulwa okhukhaya, mana nibenjisia abaandu babu munzu yokhusikha.

Mumulilo kwa Jahannam balinjilamwo, ne ni habundu abii muno okhwikhala.

Ne bakholela Nyasaye obutsokaasi mbu khobanyoole okhukosia abaandu khunjila yiyie, Boola; “mwisangasiekhwo hatiti, mana amakalushilo kenyu nimumulilo.”

Boolela abasumba banje basuubila mbu; “Balumilile okhulaama (isala) ne barusie khubilia ebiakhubakabile,mubwifisi nende mubulafu, nishiili okhuula inyanga ibula okhwinunula nohomba obwitsa.”

Nyasaye niye owalonga likulu nende eshialo mana niyeshia okhurula mwikulu amatsi, mana namesilia amatsi ako ebiamo okhuba omukabo kwenyu, mana nabanguyisilia amaro kanyoole okhuchenda mu nyanza khubuchami bubwe, ne nabanguyisilia emialo.

Na niye wabanguyilisilia eliuba nende omwesi, obulamu babio bwoosi. Ne nabanguyisilia eshilo nende eshitere.