Please wait while the requested workspace is prepared.
Mushaf reader · page 156 of 604
Read the protected Arabic beside the current Luhya translation, beneath each āyah, or as a continuous translation page.
Ne Abandu bomwikulu balilaanga Abandu bomumulilo; “Efwe khunyoolele ka Nyasaye wefu Omulesi yakhulaka mbu ni abwene. Koo enywe mwesi munyoolele aka Nyasaye wenyu Omulesi yabalaka mbu ni abwene” Baliboola mbu” Hee! Mana umulanji alilanga. “Eshilaamo sha Nyasaye shinyoole abamabii.”
Balia abekalilanga injila ya Nyasaye, mana ni benya okhuyikosia, ne baingananga mbu mwikulu ibulao.
Hakari wemikanda chibili chino shilirebwao eshikalilo (ipasia). Ne hekulu weshitulo abandu balibao abalimanya abandu boosi khuifwani yabu, nabo balilanga Abandu bomwikulu: “Omulembe kube ninanyu! Abo bashili okhwinjilamo halali bali nende amakani kokhwinjilamo.
Ne olwestimoni tsiabu tsilikalukhanibwa okhuhenga abandu bomumulilo. Baliboola; “Nyasaye wefu Omulesi, olakhura halala nende Abandu bakhola obubii tawe.”
Ne abandu bwokhwitulo abo balilanga abandu babamanya khu ifwani yabu, Baliboola mbu; “ Okhusanjilana kwenyu shikhwabakhoonya eshindu tawe, kata nende eshiamwakholelanga obufuru esho.”
Koo bano shinibo bamwetsubanga mbu Nyasaye shaliboosilia tsimbabaasi tawe?. “Injile mwikulu mulaba nobuyendi nohomba shimulibeelela tawe.”
Ne Abandu bomulilo balilaanga Abandu bomwikulu, mbu; “Mukhutsushilekho amatsi nohomba shosishosi eshia Nyasaye abakabile” Nabo balibaboolela mbu; “Toto Nyasaye yekalile biamusabanga ebo- khubakhayi.”
Abakhola idini yabu okhuba omwikhoyo nende emibayo, mana obulamu bwokhushialo nibubakatia. Khomana lelo khulabebilila shingalabo bebilila omukhung’ano khweyinyanga yabu ino, nende khulwa okhukhaya khwabu ebimanyisio biefu.
