Ne toto khwabarerera eshitabu,esha khwenosia mubumanyi, obulunjifu nende tsimbabaasi khubandu basuubilanga.
Mushaf reader · page 157 of 604
7:52–7:57
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Koo shiliho shabalindanga ilali indukho ya ako? Inyanga yeyindukho yako iliula, abeyibilisia balibola mbu; “Toto abarumwa ba Nyasaye wefu barera obwatoto. Koo khulikho nende abakhusabila, eshileshelo? Nohomba khukalusibwe khukhole kalia akakhulakholanga? Toto abo bamala okhusishia emioyo chiabu, ne akabachikhanga kabakorere.
Toto Nyasaye wenyu omulesi ni ulia owalonga likulu nende eshialo khutsinyanga tsisaasaba. Mana naleng’ala khu shisaala shishie shioluyali. Afimbanga eshilo khushitere eshilondaangakho lwangu. Nende eliuba nende omwesi, nende tsing’ining’ni tsikhoyelungwa khukhuchama khukhwe. Koo manye mbu okhulonga nende obunyali nobubwe, Ne niwolyali Nyasaye omulesi webilonje biosi.
Sabe Nyasaye wenyu omulesi mubwihotselesi mana mubwifisi. Toto ye shiyachama balia baburanga eshichelo tawe.
Ne mulakhola isasia khushialo tawe nishimalile okhukasa, ne mumusabe muburi nende mubusuubili, Toto tsimbabaasi tsia Nyasaye tsili ahambi nende bakholanga amalayi.
Ye niye uyilanga omuyaka okhuba eshimanyisio shie tsimbabaasi tsitsie okhula. Kata omuyaka oko shingala kuchinganga amaleesi amasiro khukayilanga khushialo shiafwa(eshiumu) mana khukekhonyela khukhwishia amatsi, nga endio nilwakhurusinjia buli imbia yebiamo. Mana khandi endio nilwakhulamusinjia abafu khomunyoole okhwitsulila.
الأعراف