Nyasaye aliboola; “Injile mumulilo halala nende emikanda chindi chiabura imbeli wanyu echia Majini nende Abandu. Buli omukanda nikwinjilamo nikutsuba, okwashie. Olwa balikhung’anamo boosi, abamalilishi balisungana nende abaranjilila babu mbu “Nyasaye wefu omulesi! Bano nibo bakhukosia, kho bahelesie eshinyasio shimetekhe shiomulilo” Aliboola; eshinyasio shimetekhe shilaba khwinywe mwesi, halali shimumanyile tawe.
Mushaf reader · page 155 of 604
7:38–7:43
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Bokhuranga baliboolela abakhumalilikha mbu; Kho mana enywe mwesi shimwalikho nende obulayi biosi biosi okhushila efwe. Kho pile eshinyasio khulwokhubeela akamwachumanga.
Toto balia bayingananga khutsinyaali tsiefu , ne nibatsikholela obufuru, shibalikulilwa emiliango cho mwikulu tawe, Ne shibaliyinjila mwikulu tawe okhula ingamia ibure muliina lieyisindani, Na endio nilwakhurunganga abababii.
mumulilo nishoshiliba eshitanda shiabu na hekulu wabu tsingubo tsiokhwifunikha tsiomulilo. Na endio nilwakhurunganga abandu ababii.
Ne balia abasuubila mana nibakhola amalayi, shikhunichilisinjia omundu yesi yesi tawe halali khushichelo shiobunyali bubwe, Abo nibo abandu bomwikulu, balikhalamo tsinyanga tsiosi.
Ne khulirusia isila mubilifu biabu, ne hasi wabu imialo chilibura. Ne baliboola mbu: “Oluyali lwosi nilwa Nyasaye owakhulunjisia khu kano. Neshikhwali nikhulunjikha abeene tawe Nyasaye akhayanga okhulunjisia. Toto abarumwa ba Nyasaye wefu omulesi barera obwatoto. Ne balibolelwa mbu; Eyo niyo Jannah eyamwahebwa khulwokhubeela kalia akamwakholanga.
الأعراف