Please wait while the requested workspace is prepared.
Mushaf reader · page 135 of 604
Read the protected Arabic beside the current Luhya translation, beneath each āyah, or as a continuous translation page.
Naye niye owubafwisinjia ebise bieshilo(mundoolo) na amanyile akamukholanga eshitere, Mana khandi abalamusinjia mwo, kho ebise bienyu ebiarebwao biule, Ne ni ewuwesa ni amulikalukha, ne alibaboolela akamwakholanga.
Ye niye Omushili owuli hekulu wabuli abasuumba bebe boosi. Abareranga Abamalaika ababikhanga(buli shiamukholanga). Okhula mulala wenyu niyolelwa nende lifwa, Abarumwa befu bamufwisinjia, nabo sibaleminjia tawe.
Mana bakalusibwe khu- Nyasaye. Omwami wabu watoto, koo obwami noburuchi nobubwe, naye ni Omwangu wokhubala muno.
Boola; “niwina ubahonokosinjia mushilima shiokhulukongo nende shiomunyanza? Mumusabanga mukhwihotselesia nende muburi mbu; “toto nokhwonokosia mukano khulakhupa orio ingali.”
Boola; “Nyasaye Abahonokosinjia mwako nende mubuli obutinyu, mana enywe khandi mumutsokasinjia”
Boola; “Ye niye Omunyali wokhubarerera eshinyasio okhurula hekulu wenyu, nohomba okhurula hasi webilenje bienyu, nohomba abasalasie mube emikanda chilawulilisania, kho mulolosanie obufuru; henga shinga khwinoosinjia tsinyaali tsiefu khomunyoole okhumanya.
Ne Abandu bobo bakhuyingasia nayo nili eyatoto. Boola; “Esie sendi Omulindi wenyu tawe”
Buli amacheni kaboolwa(muQurani) muno kali nende ebise biako, ne hambi ano mwitsa okhulola.
Ne nolola balia ababoolanga khutsinyaali tsiefu nibatsifuukula, obe ehale ninabo okhula shingala balachaka okhuboola amakhuwa kandi, ne shetani nakhwibilisia, niwitsulila olekhala halala nende abo Abandu ababii tawe.
