Al-Anam

Oluyali lwosi nilwa Nyasaye owalonga likulu nende eshialo, mana nakasia eshilima nende obulafu. Mana balia abakora baleng’asinjia (owulali Nyasaye tawe).

Ye niye owabaloonga okhurula khwiloba, mana naraho ebise,(bie okhufwa khwa buli mulala eshilonje). Ebise ebo biayaraho ye ni umanyile. Mana khandi enywe halala nende kano koosi mukholanga obukanakani.

Ye niye Nyasaye owuli mwikulu nende mushialo, yamanya akomukari kenyu nende akelwanyi wenyu, ne amanyile akamuchumanga.

Ne eshimanyisio shiosi shiosi nishibetsela okhurula khu Nyasaye omulesi wabu okhuula bo bashikhaye.

Bamala okhuloba obwatoto olwa bwabetsela, Balinyoola amacheni khu kalia akabakholelanga omubayo.

Shibalolangakho emikanda chinga echakhwasishia imbeli wabu, echakhwali khwachikasia khushialo okhushila shingala khwabakasia enywe, khwabeeshilia ifula yokhutsililila, mana nikhukhola emialo okhubura hasi wabu, mana nikhubasishia khutsimbi tsiabu, ne nikhureramushilenje shiabu abandu bandi.

Ne khukhwishilinjia amahandiko khulukaratsi, mana bakatila mumikhono chiabu, toto balia abakhaya bakhaboolele mbu; “kano shini shiosi shiosi tawe halali ni obulosi buli habulafu.”

Ne baboolanga mbu; “shichila shina naleshilibwa Malaika? Ne khwishinja malaika-(mana bakhaya) toto ukhusikha khwabu khwakha busibwe, ne shibahahelesibwe ebise tawe.

Ne khukholanga omurumwa malaika, khwakhamukholele okhuba shinga omundu, ne khumwishilinjia Malaika okhuba omuloli, yesi khwakhakholele okhuba nende likondo liomundu, ne khwakhabakanakaniliye shingala kano kabakanakaninjia.

Netoto abarumwa bali imbeli wuwo bakholelwa eshienyameno, mana nikabotokhana balia abakhola omubayo mubo kalia akabakholelanga eshienyameno.

Boola; chende khushialo mana mulole indukho yabandu abayingani- yali irie?

Boola; “Nebiawina ebili mwikulu nende khushialo? Boola; “Ni bia Nyasaye” Yelachilisia omwene okhubakholela tsimbabaasi, alibakhung’asia toto bwene inyanga yeyindukho, inyanga ibula obukanakani tawe, Ne balia abasishia emioyo chiabu sibasubilanga tawe.

Ne ebibie biosi ebiyenzelanga eshilo nende eshitere, naye niye umuhulili muno, omumanyi po.

Boola; “Ekhole owulali Nyasaye okhuba Nyasaye, omulonji welikulu nende eshialo, naye alisinjia shalisibungwa tawe, Boola; “ Toto esie enomesibwe okhuba wokhuranga khubalia abasilima, na nembilwa mbu; Olaba kata hatiti mubalia abatsokasinjia Nyasaye tawe.”

Boola; “Esie eritsanga eshinyasio shieyinyang ikhongo, nikali mbu eloba Nyasaye wanje.”

Ne ulia ulirebwa indulo khushinyasio esho aliba ahelesibwe tsimbabaasi, ne okho nikho okhubura khulolekha.

Ne Nyasaye nakhutiila khububii abulao yesi yesi unyala okhuwonokosia tawe nalali ye, ne nakhutiila khubulayi(abulaho ukhuyiniakho oulali ye) Naye ni omunyali wabuli eshindu.

Naye niye omushili (yaruka) abandu bebe, naye niye owamachesi owuli nende amakhuwa koosi.

Boola; okhubareeba – “Nishindu shina, eshiobuloli bwashio ni obukali muno? Mana oboole; “Nyasaye – niye omuloli wa hakari wefu ninanyu. Ne Ikurani ino yafumbulilwa esie kho ebekanyilisilie khuyo nende buli yesi owa yoloolela. Koo toto enywe muchamanga mbu baliho abaNyasaye bandi halala nende Nyasaye?” Boola “Esie shenjama endio tawe” Boola; -khandi “Ye ni Nyasaye mulalasa. Ne esie endi ehale muno nende abo abamutsokasinjia.”

Balia abakhwahelesia eshitabu bamanya kano shingala bamanya abana babu. Ne balia beretsanga mukhusikha, nibalia abalasuubilanga.

Ne niwina omubii muno oyo okhushila ulia uchishilanga Nyasaye obubeyi, nohomba ulia ufukulanga ebimanyisio bibie? Toto abandu ababii shibalibura tawe.

Ne inyanga yakhulibabuusia boosi mana khubaboolela kalia akabatsokasia “Bali hena Abamwatsokasibwa benyu abamwelayilanga?”

Ne shibalikosa eliokhuboola tawe, mbu; “Toto Nyasaye wefu omulesi efwe shikhwali abatsokasi tawe.”

Henga shinga babolanga obubeyi khubo abene, Ne kabakorere kalia akabachikhanga.

Ne bali mubo balia abakhuwulilisinjia, ne khwara ishikalilo mumioyo chiabu balamanya tawe, ne bali nende iuula mumarwi kabu. Ne nibalola buli ebimanyisio biefu shibabisuubilanga tawe. Ne nibakhwitsila khulwa okhuyingasia, abakhayi baboolanga mbu; “Kano shini eshindu tawe, atsikhali butswa tsingano tsia khale.”

Bakaninjia abandu okhulonda kano, neboosi beretsanga ehale ninako, nabo shibasasinjia tawe halali emioyo chiabu abeene, nabo shibamanyile tawe.

Ne abalolanga (inyanga yeyindukho) olwabaliemibwa khumulilo, olwabaliboola; “Bayie khukalusibungwa khushialo, shikhwakhayingasiye ebimanyisio bia Nyasaye wefu tawe, ne khwakhabeele mubalia abasuubila.”

Kamalile okhubaloleshela kalia akabafisanga khale, Ne bakalusibungwa bakhakalushilesa okhukhola kalia akabakanibwa, netoto bwene abo ni ababeyi butswa.

Nebaboola mbu; “Bubalao obulamu bundi halali obulamu bwefu bwokhushialo khuno, ne efwe shikhulamusibwa tawe.”

Ne olibalola inyanga yeyindukho, olwa baliemibwa imbeli wa Nyasaye wabu, mana baboolelwe mbu; “koo shini katoto kano? Nabo baliboola: “shichilashi,khwitsuba khulira lia Nyasaye wefu,(ni obwatoto).” Nyasaye Aliboola; “kholaano pile eshinyashio shichila okhuyingana khwenyu khwamwaingananga.”

Toto bamala okhusikha balia abakhaya mbu okhubukanana nende Nyasaye(abarunje akabakholanga) khubulao, okhula shinga liabolela lifwa mapwoka, mana nibabola; “oh manyanga khukalia akakhwalabukulilamo oluchendo”. Ne balichinga emisiko chiabu khumikongo chiabu. Koo, ni amabi muno akabachinganga.

Ne obulamu bwokhushialo khuno sinishiosi shiosi tawe ilali omubayo nende amakhuwa kabula oluchendo. Ne inzu yo mwikulu ni indayi muno khubalia abaria Nyasaye, kho simuparangakho tawe.?

Toto khumanyile mbu akababolanga kakhubelesinjia, abo sibayingasinjia ewe tawe,halali ababi abo bayingasinjia ebifune bia Nyasaye.omwene alibarunga.

Ne toto abarumwa be imbeli wuwo bayingasibwa mana ni befwila khukabanyingasibwa,na basinyisibwa okhula shinga obuhabini bwefu bwabolela ne obulao ukalula amakhuwa ka Nyasaye,ne toto wamala okhunyola amacheni akabarumwa.

Ne nikali amakhongo khwiwe,okhwira ahale khwabu khuno kwabukhuna khuna kho noli nonyala okhukonya injila ya hasi mwiloba nohomba ingasi wanina mwikulu okhubarerera amangalimwa, Ne Nyasaye achamanga yakhabakhung’asiye khuburuchi. Kho alaba mubandu abasilu tawe.

Abafuchililanga nibalia abawulilanga, Ne nandawulila Nyasaye alibalamusia, mana awuwe nabalikalukha.

Ne babolanga mbu; “sichila shina siyeshilibwa akamakana okhurula khu Nyasaye wuwe? Boola; “toto Nyasaye alinende obunyali bwokhunzishilia akamakana” Halali abanji mubo sibamanyile tawe.

Ibulao isolo khushialo nohomba liyoni lipurukhanga nende tsimba tsibili, ilali ni omukanda shingala enywe. Ne sikhwalekha shiosi shiosi okhubola mushitabu tawe. Ne ewa Nyasaye wabu niwo abalikhung’asibwa

Ne balia abayingana khubimanyisio biefu ni abatimbe,abasilu bali mushilima. Wa Nyasaye akosiye abulao unyala okhumulunjisia, ne owayenya amuretsanga khunjila inunjifu.

Boola; “mumbolele eshinyasio shia Nyasaye nishibolela nohomba ishinyasio shiyindukho nishibolela- koo mulalanga owulali Nyasaye, toto nimuli abandu-ababwene.

Halali niye butswa wamulisaba, naye alibarusiliayo- shiamwenyanga; shiamusabanga nachama, ne mulibilila abamwamutsokasinjia ninaye.

Ne toto khwaruma khu mikanda chiakhuranjilila mana nikhuchira khulumu nende khubutinyu khochinyole okhuba imihotselefu (olwachiali nichikholele bamusabe)

Khulwashina nibalehotselesia, olwa eshinyasio shiefu shiabolela halali emioyo chiabu chioma, mana shetani nabaronela akabakholanga.

Olwa bakoyiakoyia akabetsulisibungwa, khwabekulila emiliango chabuli eshindu, okhula shingala basangalila akabahelesibwa, khwababukula mapwoka, mana nibawesiakho omwoyo.

Mana emisi chabandu bakhola amabi nichitetwa,(Nibarula khushialo)Ni oluyali lwosi ni lwa Nyasaye omulesi wa buli eshindu.

Boola; “Mumbolele, Nyasaye nabarusiakho tsimbulililo tsienyu, nende tsindolelo tsienyu. Mana nakhupa eshimanyisio khumioyo chienyu, ni wina wundi ulali Nyasaye unyala okhubakalusilia? Henga shingala khwinosinjia tsinyali, mana nabo bakoyiakoyia.

Mumbolele “Nishibolela eshinyasio shia Nyasaye mapwoka, nohomba malola, nibabu winabetsa okhusishibwa nibali abandu bakhola obubii.

Ne sikhurumanga abarumwa tawe ilali abokhulaka amalayi nende okhwikanyilisia.kho balia abasubila mana nibaba abalayi sibaliba nende oburi nohomba sibalibelela tawe.

Ne balia abayingana khutsinyali tsiefu eshinyasio shiblibatilakho khukalia aka akabononanga.

Boola; “Esie sebabolelanga mbu endi nende ebiachi bia Nyasaye(ebelesie shiosihiosi shia mwenya) Nohomba mbu ndamanya akefisile, nohomba sebabolela mbu esie endi Malaika tawe, Esie senondanga ilali kalia kefumbulilwe, Boola; “koo omuwofu nende owetsimoni ulolanga bali shiabulala? Simuparangakho tawe?

Ne bekanyilisilie(nende Iquran ino) balia abaritsanga mbu balikhung’asibwa khu Nyasaye wabu, nibabula omukhonyi yesiyesi, ilali Ye, nohomba owubasabila,(bekanyilisie orio) Bakhaba bario banyola okhuria (Nyasaye).

Ne alalonda balia balamanga Nyasaye wabu itsuli ningolobe, khulwokhwenya obuchami bwe. Obubasio bwabu sibuli khwiwe tawe, Nohomba obubasio bubwo sibuli khubo tawe, nobalonda olaba mubandu abamabii.

Ne endio nilwakhwatema abandu khu bandu. Khobabole mbu; “bano nibo ba Nyasaye yakholela obulayi, mwefwe,”Koo Nyasaye siyamanya abamukhupilanga orio?

Ne nibakhwitsala balia abasubilanga tsinyali tsiefu, babolele; “omulembe kube ninanywe, Nyasaye wenyu yelachila tsimbabaasi, mbu ulia ulakhola mwenywe amabii khubusilu(obulamanya) mana asabe eshileshelo, mana akhole amalayi, mbu Nyasaye alamuleshela, toto ye ni umunji weshileshelo, omunji wetsimbabaasi.

Ne endio nilwakhwinosinjia tsinyali, kho injila yobubi amanyikhane.

Boola; “esie ndakanibwa okhulama bilia bia mulamanga bilali Nyasaye” Boola; “senondanga obwikombi bwenyu tawe, awo ndalaba engorere ne sinditsa okhuba mubalunjifu tawe.

Boola; “Esie endi nende eshifune eshiabulafu okhurula khu Nyasaye wanje, Nanyu mulobele nimuyingasia, kho esie embula eshinyasio shiamuyuyukhanilanga tawe, okhubusia khulisa khu- Nyasaye, Abolanga akatoto, niye omubusia omulayi po awababusinjia.

Boola; “Esie embetsanga nende kamuyuyukhanilanga ako, likhuwa liakhatetelwa hakari wanje ninayu, Ne Nyasaye yamanya muno abandu ababii.

Ni Nyasaye Alinende tsifunguo tsia akefisile, abulawo yatsimanya ilali ye, Ne yamanya akali khulungo nende munyanza, Ne lisafu liosi liosi silikhwitsanga tawe ilali namanyile, nohomba inyuma mushilima shieliloba, nohomba sishikwitsanga eshiamatsimatsi nohomba eshiumu ilali shili mushitabu eshiretsanga habulafu buli likhuwa.

Naye niye owubafwisinjia ebise bieshilo(mundoolo) na amanyile akamukholanga eshitere, Mana khandi abalamusinjia mwo, kho ebise bienyu ebiarebwao biule, Ne ni ewuwesa ni amulikalukha, ne alibabolela akamwakholanga.

Ye niye omushili owuli hekulu wabuli abasumba bebe boosi. Abareranga abamalaika ababikhanga(buli shiamukholanga). Okhula mulala wenyu niyolelwa nende lifwa, abarumwa befu bamufwisinjia, nabo sibakemesinjia tawe.

Mana bakalusibwe khu- Nyasaye. Mwami wabu watoto, koo obwami noburuchi nobubwe, naye ni omwangu wokhubala muno.

Boola; “niwina ubahonokosinjia mushilima shiokhulukongo nende shiomunyanza? Mumusabanga mukhwihotselesia nende muburi, mbu; “toto nokhwonokosia mukano khulakhupa orio ingali.”

Boola; “Nyasaye Abahonokosinjia mwako nende mubuli obutinyu, mana enywe khandi mumutsokasinjia”

Boola; “Ye niye omunyala wokhubarerera eshinyasio okhurula hekulu wenyu, nohomba okhurula hasi webilenje bienyu, nohomba abasalasie mube emikanda chilawulilisania, kho mulolosanie obufuru; henga shinga khwinosinjia tsinyali tsiefu khumunyole okhumanya.

Ne abandu bobo bakhuyingasia nayo nili eyatoto. Boola; “Esie sendi omulindi wenyu tawe”

Buli amacheni kabolwa(muQurani) muno kali nende ebise biako, ne hambi ano mwitsa okhulola.

Ne nolola balia ababolanga khutsinyali tsiefu nibatsifukula, obe ehale ninabo okhula shingala balachaka okhubola amakhuwa kandi, ne shetani nakhwibilisia, niwitsulila olekhala halala nende abo abandu ababi tawe.

Ne isabu yabu sili khubalia baritsanga Nyasaye tawe, khushiosishiosi, halali obwitsulisio mbu bakhaba bario banyola okhuria (Nyasaye).

Ne lekha balia abakhola idini yabu okhuba emibayo nende eshindu shibula oluchendo, ne obulamu bwokhushialo nibubakatia. Kho betsulisie mbu omwoyo kuletsa okhusishibwa khukakwakhola. Omwoyo sikuliba nende omulindi nohomba ukusabila obulesheli tawe, imbeli wa Nyasaye, Ne kata nikurunga shiosishiosi shiyela shirie sikulichamilwa tawe. Abo nibo basishibwa shichila akabakhola. Abo balinyola eshinywebwa sha amatsi kayile paa nende eshinyasio shiwumisinjia, shichila okhuyingana(okhukhaya) khwabu.

Boola; “koo khulaame balia abalali Nyasaye, ababula obukhala bwosibwosi abalanyala okhukhukhola shiosishiosi tawe, Ne khukalusibwe inyuma Nyasaye namalile okhulunjisia, Khube bulala nende balia abashetani yakosia babeyabeyanga khushialo, Bali nende abetsa, babalanganga khubulunjifu nibaboola; “Itse eno khwifwe”, boola; “Obulunjifu bwa Nyasaye nibo obulunjifu, Ne khwalomesibwa okhwihotselesia khu Nyasaye we ebindu biosi.

Ne(khubolelwa) “Lumilile iswala na mumurie ye, naye niye owamulikhung’asibwa ewuwe.

Naye niye owalonga likulu nende eshialo khubwatoto, ne inyanga yakhabole mbu “ba” ni iba, Likhuwa lilie liatoto, ali nende obwami inyanga yokhupwa olwika, omumanyi wakefisire nende akali abulafu, naye niye wamachesi, omumanyi wa koosi.

Ne Yitsulile olwa Ibraheem yaabolela Papa wuwe, Azar, “Okholanga ebifwanani okhuba abanyasaye? Toto ekhulola ewe nende abandu bobo muli mubukori obuli habulafu.

Ne endio nilo olwa khwechesia Ibraheem obwami bwo mwikulu nende mushialo, kho abe mubalia abasubila muno.

Ne olweshilo shiamulila Yalola ing’ing’ini, naboola ino niyo nyasaye wanje, Ne olwa ining’ing’ini eyo yabura, nikora yabola mbu eisie sindachama abanyasaye bakorakoranga tawe.

Ne olwa yalola omwesi nikurula yabola mbu; kuno niko nyasaye wanje, olwa kwakora yaboola mbu; “Nyasaye wanje nalanunjisia tawe wanje nditsa okhuba mubandu abakori.”

Ne olwayalola iliuba nilirula yabola mbu; “uno niye Nyasaye wanje; uno niye omukhongo po’ Ne olwa liabura yabola mbu; “Esie ndikongola nende ebiamutsokasinjia Nyasaye

Esie enjomiye obweni bwanje khu ulia walonga likulu nende eshialo. Nendi mbu endeshele idini yobukori, ne esie sendi mubatsokasinjia Nyasaye tawe.

Abandu bebe nibamufunania, nibamubolela mbu; “olekha injila yabakofu, olamayana! Naboola;”Mufunaninjia khu Nyasaye naye yanujisiye, neseritsanga bilia ebiamutsokasinjia ninaye tawe, halali Nyasaye wanje nachama likhuwa(okhuba nalo liba) Nyasaye yamanya obulayi buli eshindu. Koo simwitsulilanga tawe.

Ndakharia endie abamutsokasinjia abo,na enywe simuritsanga mbu mutsokasinjia Nyasaye tawe nende kalia akaleshelia eshifune khwinywe. Kho ni mukanda shina khuchibili chino(okwanje nende okhwenyu) okukhoyeshele okhunyola omulembe toto nikali mbu mumanyile?

Balia abasubila ne nibalasasia obusubili bwabu nende eshilima tawe abo bali nende omulelmbe, ne abo nibo abalunjifu.

Ne bino nibo khubifune biefu ebiakhwahelesia Ibraheem,khu bandu bebe, khuchingulanga hekulu owakwenya, Toto Nyasaye wuwo ni owamachesi muno omumanyi po.

Ne nikhumwelesia Ibraheem, (omwana ulangwa mbu)Ishaq nende Yaqoob, boosi nikhubalunjisia. Ne Nuh khwamulunjisia khale ,Ne khulwibulo lulwe nikhulunjisia Dawud nende Suleiman, nende Ayub nende Yusuf nende Musa nende Haroon. Na endio nilwakhurunganga abandu abalayi.

Ne(nikhulunjisia) Zakaria nende Yahya nende Isah nende Ilyasi, Boosi bali mubandu abalayi.

Nende Ismail nende Al-Yasaa(ilisha) nende Yunus nende Luti. Boosi nikhubara hekulu wa abandu boosi.

Ne nikhulunjisia basabwe bandi, nende olwibulo lwabu lundi nende abasiani babu bandi. Ne nikhubabukula nikhubawula nenikhubalunjisia khunjila inunjifu.

Obo nibo obulunjifu bwa Nyasaye, Alunjisilinjiakho owayenya, mubandu bebe. Ne bamutsokasinjia kakhababiyile kalia akabakholanga.

Abo nibo abakhwahelesia eshitabu nende oburuchi, nende oburumwa, ne nibakakhaya kano khwamala okhurao abandu abalakakhaya tawe.

Abo nibo aba Nyasaye yalunjisia. Kho londa obulunjifu bwabu. Boola; “sebasabanga omurungo khu kano tawe, kano ni eshitsulisio butswa khubandu boosi.”

Ne sibahelesia Nyasaye eshiribwa shingala kenyekhananga tawe, olwababola mbu Nyasaye siyeshia shiosi shiosi khumundu tawe. Boola; “ni wina yeshia eshitabu shia Musa yetsa nashio, obulafu nende obulunjifu khubandu, eshia mwakhola ebitonye ebitonye, mulolosinjia kamwenya- ne mubisanga amanji muno, ne mwechesibwe akamwalamanya enywe nende bapapa benyu tawe, boola : “niya Nyasaye” mana obaleshe mubukalakala bwabu nibabaya.

Ne eshitabu shino eshakhweshia, shili netsikhabi tsinyinji, shifuchilisaninjia kalia akaranjilila, Ne kho wikanyisilie nyina tsingongo nende abandu bali mumbeka mwo, Ne balia abasuubila mwikulu(obulamu bwo mwikulu) bashifuchililanga. Ne bahenganga obulayi amalamo kabu.

Ne ni wina omubi omukhongo okhushila ulia uchishilanga Nyasaye obubeyi, nohomba ulia uboolanga mbu; “Endererwe obufimbuli” ne toto nalafimbululwe tawe, nende ulia uboolanga mbu; “Nditsa okhwisia shinga ka –Nyasaye yeshia” Ne nolilola ababi olwabaliba mumusando kwakhurula omwoyo, Ne abamalaika baba nibabarakho emikhono nibababolela; “rusie emioyo chienyu, olwalelo muarungwa eshinyasio sheshifimbwa murwe. Khulwa kalia akamwabolanga khu-Nyasaye akali katoto, nende shingala mwakholelanga obufuru tsinyali tsitsie”(wakhabalutsi shinga laberundanga)

Ne toto mumalile okhwitsila shiamulala mulala, shingala khwabalonga olwokhuranga, ne mwalekha inyuma wenyu akakhwabahelesia, ne shikhulolakho ababasabila benyu abamwabolanga mbu ni abasanji ba Nyasaye khwinywe. Kakhalikhe hakari wenyu na akamwaboolanga kabakorere.

Nyasaye niye umesinjia olufwa okhurula muinyuma kwaba omusala, arusinjia omulamu okhurula mubafu, ne nurusinjia abafu mubalamu. Oyo niye Nyasaye kho niyena omukalukhanibungwa.

Niye ushiesinjia obulafu bwomumabwibwi, ne ni-ukholanga eshilo okhuba shiokhuwulukha, nende eliuba nende omwesi okhuchenda khububasio. Esho nisho eshipimo shio owamani omumanyi po.

Niye owamukasilia tsing’ining’ini kho tsimulunjisie mushilima shiokhungongo nende shiomunyanza. Toto khwamala okwinosia tsinyali khu abandu abamanya.

Niye owabalonga okhurula khu mundu mulala, ne aliwo habundu okhurebwa khubise bititisa, toto khwinosia tsinyaali tsino khubandu(bobwitsulili) betsulilanga.

Ne niye wishinjia amatsi okhurula mwikulu, ne khuko nikhumesia emimela chia buli eshindu mana nikhukhola nibimela amasafu, nikhurusiamo tsinyuma tsichelekhane, Ne Mumitende birulangamo mumakoko kayio ebisuche biiname, nende emikunda chetsizabibu, nende Zeituni, nende rumana kafwanana nende kalafwanana. Henga ebiamo biayio olwabiamanga nende okhwenga khwabio. Toto khwako ebifune bilimo khubandu basuubilanga.

Ne bakhola amajini okhuba abasanji ba Nyasaye, nikali mbu niye owabalolanga, ne bamuchishilanga mbu ali nende abana abasatsa nende beshikhasi nibabula obumanyi. Nyasaye akabukha mwako nenabula obulemu bwosibwosi, na ali hekulu okhushila kalia kabamuchishilanga.

Owalonga likulu nende eshialo, kanyalikhana karie ye okhuba nende omwana, naye abula omukhasi ne yalonga buli eshindu, naye ni omumanyi wabuli eshindu.

Oyo niye Nyasaye omulesi wenyu, abulao ulaamungwa khubwatoto halali ye, omulonji wa buli eshindu kho mumulame, naye ni omulindi wabuli eshindu.

Tsimoni sitsiakhamulolakho tawe, naye atsilolonga. Kho naye niye omuholo owuli nende amakhuwa kosi.

Toto bimalile okhubeetsela ebifune ebikhongo muno okhurula khu- Nyasaye wenyu, kho ulia ufungula tsimoni yalola nikhululwe omwene, ne ulia ulalola tawe nikhululwe omwene, nasi shendi omulindi wenyu tawe(endisa omwikanyilisi).

Na endio nilwakhukalushilanga mutsinyali, ne khobaboole wechesibwa”(kano shikarul khu Nyasaye tawe) (ne khukalushile khuri) khokamanyikhe khubandu bamanya.

Londa okofimbubulilungwa khu Nyasaye wuwo, abulao ulaamwa khubwatoto owulali ye, ne wire ehale nende abatsokasinjia Nyasaye.

Ne Nyasaye yenyanga shibakhabeele obamutsokasinjia tawe, Ne efwe shikhwakhukhola mbu obe omulindi wabu tawe. Nawe sholi omuhabini wabu tawe.

Ne olanyeka balia abalamanga ulali Nyasaye tawe, baletsa banyeka Nyasaye khubufuru bwabu, nibalamanyile. Endio nilwa khwaronela buli abandu ebikhole biabu. Mana ewa Nyasaye wabu niwo abalikalukha, Naye alibaboolela akabakholanga.

Ne betsuba khu- Nyasaye ebitsubo biamani mbu; Nibalolosebwa amangalimwa balasubila. Boola; “amangalimwa kali khu Nyasaye na ni shina eshibamanyia mbu lwabakalola sibalasubila tawe?

Ne khwitsa okhukalukhania emioyo chabu, nende tsimoni tsiabu shingala bakhaya okhusuubila olwokhuranga. Ne khulabalekha mutsimbi tsiabu nibayelayela.

Ne khwibeshilinjia abamalaika, mana abafwa babalomalomela mana khubakhung’asilie buli eshindu imbeli wabu, shibakhasuubile tawe okhula Nyasaye achame. Halali abanji mubo bakorerwe.

Ne endio khwakholela buli omurumwa okhuba nende abasuku, amashetani abandu, nende majini, Bafimbulilananga abeene khubeene amakhuwa amarone kobubeyi, Ne Nyasaye wuwo yenyanga shibakhakholele bario tawe, kho baleshesa nende akabachikhanga.

Kho chilonde ako emioyo cha balia balasubilanga mwikulu nebakachame ne khobachume akabachumanga.

Koo mukonyanga omwawuli wundi uwulali Nyasaye naye niye awabeshelia eshitabu, eshinosinjia habulafu. Ne balia abakhwawa eshitabu bamanya mbu toto shieshilibwa okhurula khu mulesi wuwo khubwatoto, kho olaba mubalia bakanakananga tawe.

Toto amakhuwa ka Nyasaye wuwo kayela kobwatoto nende obuleng’afu. Abulao unyala okhukalukhania amakhuwa kaye. Naye niye omuwulili muno omumanyi po.

Ne nobawulila abanji bali khushialo, betsa okhukosia khunjila ya Nyasaye, Bo balondangasa amaparo kabu, ne shibakholanga liosi tawe halali okhuchikha butswa.

Toto bwene Nyasaye wuwo omulesi niye owamanya obulayi balia abakora khunjila yiyie, naye yamanya muno balia abalunjikha.

Kho lie tsilia tsisomelwe elira lia Nyasaye toto nimuli mbu musuubilanga tsinyaali tsia Nyasaye.

Ne shichila shina nimulalia- khutsisolo- tsilia tsisomelwe elira lia Nyasaye, ne abenoosilie obulayi abiayabakania, halali bilia abiamunichilisibwa, Ne abanji toto bakosinjia abandu mubwikombi bwabu obulaba nende obumanyi tawe, toto Nyasaye wuwe niumanyile muno abalunjifu.

Ne muleshe okhukhola tsimbi atsia habulafu nende tsiomubwifisi, Toto balia bakholanga tsimbi balirungwa ako akabakholanga.

Ne mulalia tsisolo tsilia tsilasoomelwe elira lia Nyasaye tawe shichira obo nobwononi. Ne toto amashetani kafimbulilanga abetsa babu okhuyingana ninanyu. Ne nimubawulila mwalonda kababoolanga mulaba mubatsokasinjia Nyasaye.

Koo ulia wali omufu, mana nikhumulamusia nikhumwechesia obulafu, khubulafu obo achendanga imbeli wa abandu, alaba shabulala nende ulia uli mushilima, owulanyala okhurulamo? Endio nilwabakhayi baronilungwa akabakholanga.

Ne endio nilwakhwakhola buli olukongo abakhongo balwo nibo abamayanu, nibakholamo obutobela bwokhuchikhanila, ni shibakholanga imbotokhani tawe halali bekholelanga abene, halali shibamanyanga tawe.

Ne ibifune nibiboolela baboolanga mbu; sikhunyala okhusuubila tawe okhula khuhebwe shinga kalia akahebwa abarume ba Nyasaye. Nyasaye niye umanyanga abundu wa ara oburume bubwe. Kalinyoola balia abakhola amabi obututuyo obukhongo oburulanga khu –Nyasaye nende eshinyasio eshikhongo khumunyila khwabu khwabakholanga.

Kho ulia owa Nyasaye yenya okhumulunjisia, yekulilanga eshilifu shishie obusalamu, ne ulia wa Nyasaye yenya okhumubusilia okhukora okholanga ishilifu shiaye okhuba eshitiyifu eshisiro shinga uninanga mwikulu. Endio nilwa Nyasaye aretsanga obufundu khubalia abalasuubilanga.

Ne ino niinjila ya Nyasaye wuwo ilunjifu, Toto khwenosia tsinyali tsiefu khubandu betsulilanga.

Bali nyola tsinzu tsiomulembe okhurula khu Nyasaye wabu, naye niye omulindi wabu, khulwa kalia akabakholanga.

Ne inyanga ya alibakhung’asia boosi, “Enywe omukanda kwa majini, Toto enywe mwabukula abalondi banji okhurula mubandu”, mana abetsa babu mubandu baliboola mbu: “ Nyasaye wefu,khwakhonyangana efwe ninabo mana khulile khubise biefu biawakhuwelesia” Nyasaye alibola mbu; “ Mumulilo nimwo eshimenyo shienyu, mwitsa okhwikhalamo tsinyanga tsiosi, halali Nyasaye nachama, Toto Nyasaye wuwo niye owamachesi muno omumanyi po.

Ne endio nilwakhukholanga abamabii bachamane abeene khubeene khulwokhubeela kalia akabachumanga.

“Enywe omukanda kwa majini, nende abandu,koo shibabetsekho Abarumwa okhurula mwinywe babenoosinjia tsinyaali tsianje ne nibabenkanyisila omukhung’asio kweinyanga yalelo?” Baliboola mbu; “ khwilolele abeene khumibili chiefu” Ne obulamu bwokhushialo bwabakatia. Nenibelolela abene mbu bali abakhayi.

Endio nilwokhuba mbu Nyasaye wuwo umulesi shiyali wokhusishia tsingongo khububii tawe, abemenyi batsio nibakorerwe.

Ne boosi bali khungasi ndala khukalia kabakhola. Ne Nyasaye wuwo shang’ang’alanga khukabakholanga tawe.

Ne Nyasaye wuwo niye omuyinda owetsimbabaasi, niyenya abawesiayo arerao abandi abachamile abali enywe, shingala yabalonga mulwibulo olwa abandu bandi.

Toto akamulakungwa kaliula, Ne shimulinyala okhukashila tawe.

Boola; “Enywe abandu banje, khole akenyu mubunyali bwenyu, siesi ekholanga akanje,nimulimanya uliba nende eshimenyo eshilayi mubumalilishi, Toto ababii shibalibura tawe.

Ne bakholela Nyasaye abuleka khumimela echiayalonga, nende mumiruko, nebaboolanga mbu; Ino niya Nyasaye khukhuboola khwabutswa, Ne ino niyabalia bakhutsokasinjia nabo Nyasaye” Kho bilia ebisubililwe abanyasaye babu shibiulanga khu Nyasaye tawe, ne ebisuubililwe Nyasaye biulanga khuba nyasaye babu. Ni amabi muno akababusinjia.

Ne khandi abanji mubatsokasi abo baronelwa okhwira abana babu khulwa okhubasishia nende okhubanyasilia idini yabu. Ne Nyasaye achamanga shibakhakholele bario tawe. Kho baleshe akabakholanga ako.

Nabo babolanga mbu; “Tsisolo tsino imimelachino ni omusilo. Shibalalia tawe halali balia abakhuchamile-”khukhuboola khwabu butswa. Ne tsisolo tsino tsiakanibwa okhunina khumikongo chiatsio. Ne tsisolo tsindi sitsienya okhusomelwa elira lia Nyasaye tawe. Bachishilanga Nyasaye obubeyi. Alibarunga akabakholanga ako.

Ne baboolanga mbu; “Ebio munda mwetsisolo tsino ni tsiabasatsa befu bonyene, na abakhasi befu bakanibwa. Ne niili ifwile balia boosi, Nyasaye alibarunga khukababoolanga ako. Toto ye ni Owamachesi Muno, Omumanyi po!

Toto bamala okhusikha balia abera abana babu mubusilu nibabula okhumanya, mana nibakania ebia Nyasaye wabu abakabile, khukhuchishila Nyasaye, Toto bo bakora ne shibali bokhulunjikha tawe.

Naye niye walonga emikunda chili nende imisala chilandanga – emilandula- nende echilalandanga, nende mitende nende imilela chebiamo bikabukhane, nende imizaituni, nende emikoma chifwanana nende chilafwanana, Lie ebiamo babio olwabibulananga, ne inyanga yokhuchesa murusie eshihanwa shiabio. Ne mulekhoonyela khuisasia tawe. Toto ye shiyachama abandu beyisasia tawe.

Ne mutsisolo yabakholela tsilia tsiokhuchinga emisiko nende obukono. Lie khubilia bia Nyasaye abakabile, Ne mulalonda amasenelo ka shetani tawe. Toto ye ni omusuku wenyu wa- habulafu.

Yabalonjela tsimbia munane etsia tsisolo- (tsisatsa ne tsikhasi) Tsibibi mumakondi nende tsibili mutsimbusi, Boola; “Koo mwakanibwa koosi amasatsa kabili(kamakondi nende tsimbusi) nohomba amakhasi kabili (kamakondi nende tsimbusi) nohomba ebili munda mwa akeshikhasi kosi kabili? Mumbolele khubumanyi toto enywe nimuli mbu mubolanga abwene.

Ne tsibili mutsingamia, ne tsibili mung’ombe. Boola; “Koo yakania tsimbia tsiosi tsisatsa nende tsikhasi, nohomba ebili mutsinda mwetsikhasi tsiosi? Nohomba mwaliho olwa Nyasaye wamuboolela kano? Kho omubi shina omukhongo oyo okhushila ulia uchishila Nyasaye obubeyi, khulwo khukosia abandu nabula obumanyi, Toto Nyasaye shalunjisinjia abandu ababii tawe.

Boola: “Esie shendolangakho mukandafimbulilwa eshindu shiakanibwa okhulibwa halali shibe nishifwile eshiene(mutsisolo) nohomba amalasile nohomba inyama yeyingurwe, shichila obo ni obuchafu. Nohomba shisinzilwe nishilasomelwa elira lia Nyasaye tawe. Halali ulia unichilisibwa, nalekombele noho okhubura eshichelo tawe. Awo toto Nyasaye wuwo omulesi niwokhuleshela, owetsimbabaasi.

Ne balia balonda idini yeshiyahudi, khwabakania okhulia isolo yamatere. Ne khu Ngombe nende likondi nende khumbusi khwabakania amasinya kabio. halali kalia kokhumikongo nende munda. Nohomba kalia katilana nende ebikumba. Khwabarunga khurio eshichila obulobii bwabu. Ne toto efwe nefwe abobwatototo.

Ne nibakhuyingasia boola mbu; “Nyasaye omulesi wenyu niwetsimbabaasi etsiaswana. Ne eshinyasio shishie sishiyikalilanga khubandu ababii tawe.

Abatsokasi balabola mbu; “Nyasaye yenyanga efwe sikwhakhabeele abatsokasi tawe, nohomba bapapa befu, ne shikhwakhakanile okhulia shiosishiosi tawe. Endi sa nilo olwabali imbeli wabu bayingana okhula shingala bapila eshinyasio. Boola; Enywe muli nende obumanyi mukhurerere? Inywe mulondangasa amaparo kenyu, ne shimubolanga halalisa obubeyi.

Boola; “Nyasaye niye uli nende eshifune shibura. Ne yenyanga yakhabalunjisiye mweesi.

Boola; “rere abaloli benyu abetsa okhurusia abaloli mbu toto Nyasaye Yakana kano. Ne nibarusia obuloli olaba halala ninabo tawe, Ne olaloonda obwikombi bwa balia bakhaya ebimanyisio biefu, ne shibasuubilanga mwikulu tawe, ne bachelasinjia Nyasaye omulesi wabu nende abandi.

Boola; “Itse ebasoomele abia Nyasaye wenyu omulesi yakania. Nabo ni mbu; Mulamutsokasia nende shiosishiosi tawe. Ne abebusi benyu mubakholele amalayi. Ne mulera abana benyu shichila obutakha tawe, Efwe khubetsanga omukabo enywe ninabo. Ne mlasita ahambi nende amakhuwa keshifwolo tawe, akalolekhana nende kefisile. Ne mulera omundu wa Nyasaye yakana okhwira, halali khubwatoto. Kano abachelela khomure mubwongo.

Ne mulasita ahambi nende omwandu kwabana abafwilwa, halali khuinjila yobulayi muno, okhuula yole omundu omukhongo. Ne mwitsusie ebipimo nende tsiratili khubuleng’afu. Efwe shikhunichilisinjia omundu halali khushia anyala. Ne nimuboola muboole khubuleng’afu kata nibali abekho benyu. Ne indache ya Nyasaye mukhole. Ako abachelela khomunyoole okhwitsulila.

Ne toto ino niyo injila yanje inunjifu kho muyilonde mulalonda tsinjila tsindi tawe, tsiabarusia khu injila yiye. Kano abachelelakho munyole okhuria Nyasaye.

Mana khandi khwahelesia Musa eshitabu okhumwitsusilia akayakhola obulayi, ne mbu ni amebaalo kabuli eshindu nende obulunjifu nende tsimbabaasi, khobanyoole okhusuubila okhubukana nende Nyasaye wabu omulesi.

Ne eshitabu shino eshakhweshia, shili nende tsikhabi, Kho mushiloonde ne murie Nyasaye khomunyoole tsimbambaasi.

Muletsa okhuboola mbu; “toto amahanga kabili imbeli wefu beshilibwa eshitabu, nafu shikhwali nende amacheni khukabakholanga tawe.

Nohomba mwabola mbu; “Efwe khwishilibungwa eshitabu khwakhabeele abalunjifu muno okhubashila abo. Kho obwinoosi okhurula khu Nyasaye wenyu omulesi bumalile okhubeetsela, obulunjifu nende tsimbabaasi. Kho niwina omubii muno okhushila ulia uyingasia ebimanyisio bia- Nyasaye, mana niyera ehale ninabio? Khulibarunga balia beretsanga ehale nende ebimanyisio biefu eshinyasio eshilulu shichila okhwira ehale khabu okho.

Balindanga elindi halali abamalaika boole, nohomba Nyasaye wuwo omulesi, nohomba biboolele ebimanyisio bia Nyasaye wuwo omulesi? Inyanga yebimanyisio bindi bia Nyasaye wuwo omulesi biliula ,okhusuubila awo shikhulikhoonya omundu eshindu tawe,nalali niyasuubila imbeli awo, nohomba yakhola amalayi mubusuubili bubwe. Boola; “Mulinde, fwesi nafu khulindanga.”

Toto balia abakubula idini yabu mana nibaba emikanda emikanda, obula ninabo olwikho lwosi lwosi. Toto amakhuwa kabu kali khu Nyasaye, mana alibaboolela kalia akabakholanga.

Ukhola amalayi alirungwa obulayi obo mara ekhumi, ne okhola amabii alirungwa butsa amabii ako. Nabo shibalikholelwa obubii tawe.

Boola; “Toto Nyasaye wanje omulesi yalunjisia khunjila ilunjifu, idini ili habwene muno, ilimbu niyo injila ya Ibraheem owali omulunjifu, nashiyali mubalia abatsokasinjia Nyasaye tawe.

Boola; “Toto Isaala yanje nende amalaamo kanje nende obulamu bwanje, nende okhufwa khwanje nikhulwa Nyasaye, Omulesi webilonje bioosi.

Abula omusanji wuwe, ne ako niko kandaalomesibwa, nasi endi wa embeli khubasalamu.

Boola; “Koo engoonye nyasaye omulesi owulali Nyasaye, nali niye Nyasaye omulesi wabuli eshindu? Ne buli omundu yekholelanga omwene. Ne shalichinga omundu omusiko kwo wundi tawe. Mana okhukalukha khwenyu khuliba ewa Nyasaye wenyu omulesi, Naye alibaboolela kalia akamwakabukhanilanga.

Naye niye owabakhola abalindi bokhushialo, ne yachingula abandi mwinywe hekulu tsingasi tsikhongo, kho abateme khu bilia ebiayabahelesia. Toto Nyasaye wuwo omulesi ni omwangu weshinyasio, naye toto niwobulesheli, owetsimbabaasi muno.