Please wait while the requested workspace is prepared.
Mushaf reader · page 129 of 604
Read the protected Arabic beside the current Luhya translation, beneath each āyah, or as a continuous translation page.
Ne khukholanga Omurumwa Malaika, khwakhamukholele okhuba shinga Omundu, ne khumwishilinjia Malaika okhuba omuloli, yesi khwakhakholele okhuba nende likondo liomundu, ne khwakhabakanakaniliye shingala kano kabakanakaninjia.
Netoto Abarumwa bali imbeli wuwo bakholelwa eshienyameno, mana nikabotokhana balia abakhola omubayo mubo kalia akabakholelanga eshienyameno.
Boola; chende khushialo mana mulole indukho yabandu abayingani- yali irie?
Boola; “Nebiawina ebili mwikulu nende khushialo? Boola; “Ni bia Nyasaye” Yelachilisia omwene okhubakholela tsimbabaasi, alibakhung’asia toto bwene inyanga yeyindukho, inyanga ibula obukanakani tawe, Ne balia abasishia emioyo chiabu sibasuubilanga tawe.
Ne ebibie biosi ebiyenzeelanga eshilo nende eshitere, naye niye Omuwulili muno, Omumanyi po.
Boola; “Ekhole owulali Nyasaye okhuba Nyasaye, omulonji welikulu nende eshialo, naye alisinjia shalisibungwa tawe, Boola; “ Toto esie enomesiibwe okhuba wokhuranga khubalia abasilima, ne nembilwa mbu; Olaba kata hatiti mubalia abatsokasinjia Nyasaye tawe.”
Boola; “Esie eritsanga eshinyasio shieyinyanga ikhongo, nikali mbu eloba Nyasaye wanje.”
Ne ulia ulirebwa indulo khushinyasio esho aliba ahelesibwe tsimbabaasi, ne okho nikho okhubura khulolekha.
Ne Nyasaye nakhutiila khububii abulao yesi yesi unyala okhuwonokosia tawe nalali ye, ne nakhutiila khubulayi(abulaho ukhuyiniakho owulali ye) Naye ni Omunyali wabuli eshindu.
Naye niye Omushili (yaruka) Abandu bebe, naye niye Owamachesi owuli nende amakhuwa koosi.
