Ne khuli khurie akhula suubila Nyasaye, nende akakhwitsila mubwatoto, ne khusuubilanga mbu Nyasaye wefu alakhwinjisia mwikulu halala nende Abandu abalayi.

Kho Nyasaye alibarunga khukalia akababoola emikunda chiburanga hakari wachio emialo, omo balikhalamo tsinyanga tsiosi. Ne oko niko omurungo okwa balia bakholanga amalayi.

Nebalia abakhaya mana nibayingana khutsinyaali tsiefu, abo nibo Abandu bomumulilo.

Enywe abasuubila, mulabikalila ebilayi abia Nyasaye yabafuchilila, ne mularuuma olwakho tawe, toto Nyasaye siyachama Abaandu barumanga olwakho tawe.

Ne lie khubilia bia Nyasaye wenyu abakabiile ebiafuchililwa, ebilayi, ne murie Nyasaye awa enywe musuubilanga.

Nyasaye sababukulilanga khubitsubo bienyu biobusilu tawe,halali alabatila khubitsubo ebia mwetsuba ebia mwechomela obulayi, Kho omurungo kwe shitsubo esho, ni okhulisia abamanani ekhumi, khubiakhulia bia muliisinjia Abandu benyu nohomba okhubafwala, nohomba okhulekha omurumwa, Ne ulia ulanyoola ako tawe, afunge tsinyanga tsitaru. Kuno niko omurungo kwebitsubo bienyu ni mwitsuba. Ne mulinde ebitsubo bienyu. Endio nilwa Nyasaye abenoosilinjia tsinyaali tsitsie kho munyoole okhupa orio.