Enywe abandu beshitabu, mulaburirisia eshichelo mudini yenyu, ne mulaboola khu Nyasaye tawe halali kobwatoto. Omubakhwa Isah omwana wa Mariam ni Omurumwa wa Nyasaye ne (ni eshilonje shialongwa) Khulikhuwa lilie aliayayilila Mariam. Ne ni omwoyo okhurula khuye. Kho musuubile Nyasaye nende Abarumwa bebe. Ne mulaboola bataru tawe, muleshe okhusuubila murio bulaba obulayi khwinywe. Toto Nyasaye ni Nyasaye mulala yenyene butswa. oluyali ni olulwe, mbu ali nende omwana? Ni ebibie biosi bili mwikulu nende khushialo, Nyasaye ni Omulindi uyela.
Mushaf reader · page 105 of 604
4:171–4:175
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Isah Omubashe shalilalola obuteshele mumwoyo okhuba omusumba wa Nyasaye tawe, nohomba Abamalaika abasitibwa ahambi , ne balilola obuteshele mumwoyo okhuba abasumba ba Nyasaye mana bafuure, alibakhung’aasia boosi ewuwe.
Ne balia abasubila mana nibakhola ebikhole ebilayi, Yetsa okhubahelesia omurungo kwabu ne alibametela tsimbabaasi tsitsie. Ne balia balola obuteshele mana nibakhola obufuru, alibahelesia eshinyasio shiwumisinjia, ne shibalinyoola omwtsa nohomba omukhoonyi yesi yesi tawe imbeli wa Nyasaye.
Enywe abandu, ebifune toto biboolele okhurula khu Nyasaye wenyu, ne khwabeshilia obulafu bulolekha.
Ne balia abasuubila Mu Nyasaye mana nibatila obulayi, kho abo alibenjisia mutsimbabaasi tsitsie, ne alibalunjisia injila ilunjishe.
النساء