Ewe Omurumwa, tsililila okhuria Nyasaye ne olawulila abakhayi nende abeshikhabili tawe, toto Nyasaye ni Omumanyi muno, Owamachesi po.

Ne loonda kalia kofimbulilungwa okhurula khu Nyasaye wuwo, toto Nyasaye ali nende obumanyi khu koosi akamukholanga.

Ne wisiche Nyasaye, Ne Nyasaye ayela muno okhuba omuliindi.

Nyasaye shiyakholakhwo omundu okhuba nende emioyo chibili mushilifu shishie tawe, Ne shiyakhola abakhasi benyu abamuchelaasinjia emikongo chiabu nende emikongo chabanyinenywe- okhuba banyinenywe tawe. Ne shiyakhola abana bamukhususiye okhuba abana benyu barulile khumikongo chienyu tawe, ako namakhuwa kenyu okhurula muminwa chienyu butswa, ne Nyasaye niye uboolanga abwatoto, naye niye ulunjisinjia khunjila.

mubalaanje ameera kabu khubasamwana, obo nibo obuleng’afu khu Nyasaye, Ne nimulamanyile basamwana tawe ni abana benyu nende abetsa benyu mudini. Ne shinobutulani khwinywe khukamwitsukhanile tawe, halali ni obutulani khukalia akemioyo chienyu chikholele katong’ane. Ne Nyasaye ni Omulesheli muno Owetsimbabaasi po.

Omurumwa akhoyesheele muno okhuranjilisibwa khubasalamu (bamusuubila) okhushila bo beene, (okhula bamukomelele omurumwa kata nibili okhurusia obulamu bwabu nende omwandu) ne abakhaye bebe ni banyinenywe, Ne abeekhobakhoonyane abeene khubeene.(okhuteshania, okhuchelama nende akandi shinga yako) mushitabo shia Nyasaye, ukhushila abasuubili bandi nende (Muhanjirina)- halali shinobubii tawe nimukhola obulayi khubesta benyu, kano kamala okhuhandikwa mushitabu.

Ne (itsulila) olwa khwabukula indache khubarumwa nende khwiwe ewe, nende khu Nuhu nende khu Ibrahim nende khu Isah omwana wa Mariam, ne nikhubukula khubo indache isiro.

Kho areebe abatoto okhulondokhana nende obwatoto bwabu, ne yarecheshela obakhayi eshinyasio eshilulu.

Enywe abasuubila, itsulile tsimbabasi tsia Nyasaye khwinywe, olwa omukanda kwabalwani kwabeetsela, mana nikhukurumila omuyeka nende omukanda kwabalwani okwamulaalola, Ne toto Nyasaye alololanga akamukholanga muno.

Olwa babetsela okhurula hekulu wenyu nende hasi wenyu, olwa tsimoni tsiang’ang’ala ne emioyo nichiula khumworokoro, nanyu nimuchaka okhuparira Nyasaye amaparo kakabukhane.