As-Sajdah
السجدة
30 verses · begins on Mushaf page 415تَنزِيلُ ٱلۡكِتَٰبِ لَا رَيۡبَ فِيهِ مِن رَّبِّ ٱلۡعَٰلَمِينَ
Obwishio bweshitabu shino bubulamwo ingamakani burula khu Nyasaye omulesi webilloonje bioosi.
أَمۡ يَقُولُونَ ٱفۡتَرَىٰهُۚ بَلۡ هُوَ ٱلۡحَقُّ مِن رَّبِّكَ لِتُنذِرَ قَوۡمٗا مَّآ أَتَىٰهُم مِّن نَّذِيرٖ مِّن قَبۡلِكَ لَعَلَّهُمۡ يَهۡتَدُونَ
Koo, nohomba baboolanga mbu: “washikasia omwene” Halali shio shirula khu Nyasaye wuwo kho okanyilisie abandu bashiili okhulilwa nende omwikanyilisi, imbeli wuwo, bakhaba bario balunjikha.
ٱللَّهُ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ مَا لَكُم مِّن دُونِهِۦ مِن وَلِيّٖ وَلَا شَفِيعٍۚ أَفَلَا تَتَذَكَّرُونَ
Nyasaye niye owaloonga likulu nende eshialo nende ebili hakari wabio, khutshinyanga tsisaasaba, (sita). Mana naswaana khushisaala shisie sholuyali, mubula omulindi nohomba ubasabila halali ye, shimuparangakhwo tawe.
يُدَبِّرُ ٱلۡأَمۡرَ مِنَ ٱلسَّمَآءِ إِلَى ٱلۡأَرۡضِ ثُمَّ يَعۡرُجُ إِلَيۡهِ فِي يَوۡمٖ كَانَ مِقۡدَارُهُۥٓ أَلۡفَ سَنَةٖ مِّمَّا تَعُدُّونَ
Abusinjia amakhuwa koosi akali hakari welikulu nende eshialo, mana kakalukha ewuwe khunyanga ndalasa yeshichelo shiayo ni emika iyelefu ndala khutshinyanga tsiamubalanga.
ذَٰلِكَ عَٰلِمُ ٱلۡغَيۡبِ وَٱلشَّهَٰدَةِ ٱلۡعَزِيزُ ٱلرَّحِيمُ
Oyo niye omumanyi wamakhuwa kefisile nende akali habulafu. Owamaani Owetsimbabaasi muno.
ٱلَّذِيٓ أَحۡسَنَ كُلَّ شَيۡءٍ خَلَقَهُۥۖ وَبَدَأَ خَلۡقَ ٱلۡإِنسَٰنِ مِن طِينٖ
Ulia owalonga ifwani ya buli eshindu, mana nachaka okhuloonga omundu okhurula khwiloba.
ثُمَّ جَعَلَ نَسۡلَهُۥ مِن سُلَٰلَةٖ مِّن مَّآءٖ مَّهِينٖ
Mana nakhola olwibulo lulwe (lwomundu) okhurulana nende amatsi amateshele.
ثُمَّ سَوَّىٰهُ وَنَفَخَ فِيهِ مِن رُّوحِهِۦۖ وَجَعَلَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ
Mana namukasia ne namufuramwo omwoyo kukwe, ne nabahelesia amarwi nende tsimoni nende emioyo, ni orio inditi niyamupanga.
وَقَالُوٓاْ أَءِذَا ضَلَلۡنَا فِي ٱلۡأَرۡضِ أَءِنَّا لَفِي خَلۡقٖ جَدِيدِۭۚ بَلۡ هُم بِلِقَآءِ رَبِّهِمۡ كَٰفِرُونَ
Nibaboola mbu “koo olwa khulikorera mwiloba (mara khube liloba) mbu khulikalusibwa okhuba ebiloonje ibiyiakha? (Nendio) halali bo bayingananga okhubukanana nende Nyasaye wabu.
۞ قُلۡ يَتَوَفَّىٰكُم مَّلَكُ ٱلۡمَوۡتِ ٱلَّذِي وُكِّلَ بِكُمۡ ثُمَّ إِلَىٰ رَبِّكُمۡ تُرۡجَعُونَ
Boola mbu: “Alibafwisa malaika welifwa owarebwao khwinywe mana mulikalusibwa ewa Nyasaye wenyu.”
وَلَوۡ تَرَىٰٓ إِذِ ٱلۡمُجۡرِمُونَ نَاكِسُواْ رُءُوسِهِمۡ عِندَ رَبِّهِمۡ رَبَّنَآ أَبۡصَرۡنَا وَسَمِعۡنَا فَٱرۡجِعۡنَا نَعۡمَلۡ صَٰلِحًا إِنَّا مُوقِنُونَ
Ne ololangakho shingala aboonomi olwa balinamia emirwe chiabu imbeli wa Nyasaye wabu, (nibaboola mbu) “Nysaye wefu, khumalile okhulola, ne khuwulile, kho khukalusie khwitsa okhukhola ebikhole ebilayi, toto efwe khumanyile obulaamba”.
وَلَوۡ شِئۡنَا لَأٓتَيۡنَا كُلَّ نَفۡسٍ هُدَىٰهَا وَلَٰكِنۡ حَقَّ ٱلۡقَوۡلُ مِنِّي لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ
Ne khwenyanga khwakhahelesiyie buli omundu obulunjifu bubwe, halali likhuwa okhurula khwisie liatinyisibwa mbu: “Toto ndiliitsusia omulilo kwa Jahanamm nende boosi abo, okhurula mumajini nende abandu.”
فَذُوقُواْ بِمَا نَسِيتُمۡ لِقَآءَ يَوۡمِكُمۡ هَٰذَآ إِنَّا نَسِينَٰكُمۡۖ وَذُوقُواْ عَذَابَ ٱلۡخُلۡدِ بِمَا كُنتُمۡ تَعۡمَلُونَ
Kho mana mupile(eshinyasio) khulwa okhwibilila omukhung’ano kweyinyanga yenyu ino, kata fwesi khulabeebilila,(mumalilo omo) kho pile eshinyasio shilawa tawe, khulwa kalia akamwakholanga.
إِنَّمَا يُؤۡمِنُ بِـَٔايَٰتِنَا ٱلَّذِينَ إِذَا ذُكِّرُواْ بِهَا خَرُّواْۤ سُجَّدٗاۤ وَسَبَّحُواْ بِحَمۡدِ رَبِّهِمۡ وَهُمۡ لَا يَسۡتَكۡبِرُونَ ۩
Toto balia basuubilanga tsinyaali tsiefu, ni baliasa olwa bestulisibwa ninatso bakwitsanga( nibasujuda) nibeenama, nebetsoominjia Nyasaye wabu khu tsifuma tsitsie, nabo shibelolanga tawe.
تَتَجَافَىٰ جُنُوبُهُمۡ عَنِ ٱلۡمَضَاجِعِ يَدۡعُونَ رَبَّهُمۡ خَوۡفٗا وَطَمَعٗا وَمِمَّا رَزَقۡنَٰهُمۡ يُنفِقُونَ
Tsimbafu tsiabu tsilekhananga nende obulili ebise bieshilo nebalaamananga Nyasaye wabu muburi nende mukhwenya ne bayininjia eshihanwa khubilia ebiakhubakabile.
فَلَا تَعۡلَمُ نَفۡسٞ مَّآ أُخۡفِيَ لَهُم مِّن قُرَّةِ أَعۡيُنٖ جَزَآءَۢ بِمَا كَانُواْ يَعۡمَلُونَ
Ne omundu yesiyesi shamanyile kalia akayafisilwa akasangasinjia tsimoni tawe, omurungo kwa kalia akabakholanga.
أَفَمَن كَانَ مُؤۡمِنٗا كَمَن كَانَ فَاسِقٗاۚ لَّا يَسۡتَوُۥنَ
Koo,omusuubili yakhaba nashilala nende omwonooni? Shibokhaba nashilala tawe.
أَمَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ فَلَهُمۡ جَنَّٰتُ ٱلۡمَأۡوَىٰ نُزُلَۢا بِمَا كَانُواْ يَعۡمَلُونَ
Balia abasuubila mana nibakhola ebikhole ebilayi, baliba nende emikunda echieshimenyo eshilayi. Ni obucheni bwabu khukalia akabakholanga.
وَأَمَّا ٱلَّذِينَ فَسَقُواْ فَمَأۡوَىٰهُمُ ٱلنَّارُۖ كُلَّمَآ أَرَادُوٓاْ أَن يَخۡرُجُواْ مِنۡهَآ أُعِيدُواْ فِيهَا وَقِيلَ لَهُمۡ ذُوقُواْ عَذَابَ ٱلنَّارِ ٱلَّذِي كُنتُم بِهِۦ تُكَذِّبُونَ
Ne balia bakhola obwonooni, eshimenyo shiabu ni mumulilo, olwabalienya okhurulamwo, balikalusibwamwo, ne baliboolelwa mbu: “pile eshinyasio shiomulilo eshia mwayingananga.”
وَلَنُذِيقَنَّهُم مِّنَ ٱلۡعَذَابِ ٱلۡأَدۡنَىٰ دُونَ ٱلۡعَذَابِ ٱلۡأَكۡبَرِ لَعَلَّهُمۡ يَرۡجِعُونَ
Netoto khwitsa okhubapilia eshinyasio eshititi, inyuma weshinyasio eshikhongo, bakhababario bakalukha.
وَمَنۡ أَظۡلَمُ مِمَّن ذُكِّرَ بِـَٔايَٰتِ رَبِّهِۦ ثُمَّ أَعۡرَضَ عَنۡهَآۚ إِنَّا مِنَ ٱلۡمُجۡرِمِينَ مُنتَقِمُونَ
Ne ni wina omwonooni omukhongo oyo, okhushila ulia witsulisibungwa tsinyaali tsia Nyasaye wuwe mana atsihelesia omukongo? Toto efwe khuli beyimongo (kasasi) khubalia bakholanga amabii.
وَلَقَدۡ ءَاتَيۡنَا مُوسَى ٱلۡكِتَٰبَ فَلَا تَكُن فِي مِرۡيَةٖ مِّن لِّقَآئِهِۦۖ وَجَعَلۡنَٰهُ هُدٗى لِّبَنِيٓ إِسۡرَٰٓءِيلَ
Netoto khwahelesia Musa eshitabu, kho olaba nende inganakani okhubukanana nende Nyasaye tawe,- Mana nikhushikhola obulunjifu khubana ba israil.
وَجَعَلۡنَا مِنۡهُمۡ أَئِمَّةٗ يَهۡدُونَ بِأَمۡرِنَا لَمَّا صَبَرُواْۖ وَكَانُواْ بِـَٔايَٰتِنَا يُوقِنُونَ
Ne nikhukhola abaandi mubo abemilisi, abarukanga okhuloondana nende likhuwa liefu, olwa besumilisia, ne bali basuubila muno tsinyaali tsiefu.
إِنَّ رَبَّكَ هُوَ يَفۡصِلُ بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ
Toto Nyasaye wuwo niye owakhabusie hakari wabu inyanga yeyindukho khukalia akabawukhanilanga.
أَوَلَمۡ يَهۡدِ لَهُمۡ كَمۡ أَهۡلَكۡنَا مِن قَبۡلِهِم مِّنَ ٱلۡقُرُونِ يَمۡشُونَ فِي مَسَٰكِنِهِمۡۚ إِنَّ فِي ذَٰلِكَ لَأٓيَٰتٍۚ أَفَلَا يَسۡمَعُونَ
Koo, kashili akhubamanyishila mbu ni emikanda chinga chakhwasishia imbeli wabu, baburanga mumataala kabu ako? Toto mukono khulimo nende ebimanyisio , koo shibawulilangakhwo tawe?
أَوَلَمۡ يَرَوۡاْ أَنَّا نَسُوقُ ٱلۡمَآءَ إِلَى ٱلۡأَرۡضِ ٱلۡجُرُزِ فَنُخۡرِجُ بِهِۦ زَرۡعٗا تَأۡكُلُ مِنۡهُ أَنۡعَٰمُهُمۡ وَأَنفُسُهُمۡۚ أَفَلَا يُبۡصِرُونَ
Koo shibalolakhwo mbu: khuyilanga amatsi khuliloba eliumu, mana nikhukamesilia ebirache, ebiaa ebiruche biabu bilitsangakhwo, nende abeene, koo shibalolangakhwo tawe?
وَيَقُولُونَ مَتَىٰ هَٰذَا ٱلۡفَتۡحُ إِن كُنتُمۡ صَٰدِقِينَ
Ne baboolanga mbu:” niliina okhubusibwa okho toto nimuli mbu muboolanga akabwene?
قُلۡ يَوۡمَ ٱلۡفَتۡحِ لَا يَنفَعُ ٱلَّذِينَ كَفَرُوٓاْ إِيمَٰنُهُمۡ وَلَا هُمۡ يُنظَرُونَ
Boola mbu: “ inyanga yakhubusia, shilikhoonya balia abaloba obusuubili bwabu. Ne shibalihebwa ebise bio khulinda tawe.
فَأَعۡرِضۡ عَنۡهُمۡ وَٱنتَظِرۡ إِنَّهُم مُّنتَظِرُونَ
Kho baa ninabo ehale, ne oliinde, totobo boosi balindanga (akabaalakwa).