Muli murie amulakhupananga khunjila ya Nyasaye nende yabalia baranjilwe abasatsa nabakhasi nende abana ababoolanga mbu : “Nyasaye wefu omulesi, khurusie mulukongo luno alwa bandu balwo ni ababii, ne okhurere omuliindi okhurula khwiwe ne okhuhelesie omuhabini urulanga khwiwe.”
Mushaf reader · page 90 of 604
4:75–4:79
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Balia abasuubila balwananga khunjila ya Nyasaye, ne balia abakhaya balwanilanga khunjila yobukori, kho lwane nende abetsa ba shetani. Toto ibifwanga bia shetani nebiteshele.
Sholola balia baboolelwa mbu; “Yikalile mutile imikhono chienyu, ne mutile iswala ne murusie eshihanwa, Ne olwa balomesibwa okhupana, awo omukanda kundi mubo nikuria abandu shinga okhuria Nyasaye, nohomba ukhuria okhukhongo muno. Mana nibaboola; “Nyasaye wefu shichila shina nokhulanichilisia okhupana? Manyanga wakhakhusitiliyekhwo imbeli khubise bititi butswa endi. Boola : “omwikhoyo kwo khushialo nimututu butswa, ne mwikulu ni indayi muno khu ulia uria Nyasaye. Ne shimulikholelwa obubii kata obutiti shinga uluusi lwolufwa lweitende tawe.
Wosiwosi amuba lifwa lilibanyoola, kata nimuli mutsinzu tsiolukoba. Ne lilayi nilibanyoola baboola mbu, lino lirula khu Nyasaye. Ne libii nilibanyoola ni boboola mbu; “Lino lirula khwiwe.” Boola koosi karulananga nende Nyasaye. Ne bali nende shina abandu bano kata shibakhaaba okhumanya amakhuwa tawe.
Lilayi likhuulile lirulana nende Nyasaye, Ne libii likhunyoola lirulana nende ewe omwene. Nafu khwakhuruma khubandu obe omurumwa, Ne Nyasaye ni omuloli uyela.
النساء