Ne balia barusinjia omwandu kwabu khulwokhulolesia abandu, neshibasuubilanga Nyasaye nohomba Inyanga yeyindukho tawe. Ne ulia washetani aba omwitsa wuwe, aba ali nende omwitsa omubii muno.
Mushaf reader · page 85 of 604
4:38–4:44
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne shina shakhabakholele basuubilanga Nyasaye nende inyanga yeyindukho. Mana murusie shia Nyasaye abakabile, Na Nyasaye abamanyile obulayi muno.
Toto Nyasaye shakholelanga abubii omundu yesiyesi tawe kata khubusiro bwolulolo lulala, ne nilili likhuwa lilayi Nyasaye alimetanga, ne okhurula khuye kuliwo omurungo omukhongo.
Kho kalibakarie olwa khulirerera buli omukanda omuloli, mana khulirera ewe okhuba omuloli wabano?
Inyanga eyo balia bakhaya mana nibalawulila omurumwa balikomba liloba liyelaasibwe hekulu wabu. Ne shibalifisa Nyasaye liosiliosi tawe.
Enywe abasuubila, mulasita ahambi nende iswala nimumeelele tawe, okhuula mumanye shiamuboola, nende nimuli nende Janaba tawe, halali nimuli khuluchendo- okhuula mwisinje, Ne nimuli abalwale nohomba khuluchendo, nohomba shiamulala wenyu narula elwanyi (muchoo) nohomba nimubeele nende abakhasi benyu mana mukhaywe okhunyoola amatsi, awo mwikhonyele olufu olulayi, mubakhe obweni bwenyu emikhono chienyu, Toto Nyasaye nomulesheli owuleshelanga.
Sholola balia abahebwa ebuleka mushitabu, bakulanga obukori, nabo bosi benya mbu enywe mukore injila.
النساء