Toto abandu bano bachama obulamu bwokhushialo, nebalekhanga inyuma wabu inyanga isiro.

Efwe khabaloonga, ne nikhubaramwo amani, nenikhwenya khunyala okhukalukhasia abandi bali shingabo.

Toto bwene kano ni ametsulisio, ne ulia wenya atile injila itsia awa Nyasaye wuwe.

Neshimwakhenya tawe okhula Nyasaye achame, toto bwene Nyasaye niye Omumanyi muno, owamamachesi po.

Yenjisinjia owayenya mutsimbabasi tsitsie, ne abamayanu yabarecheshela eshinyasio eshilulu.

Nditsuba khutsirumungwa kaala!

Nende tsiwutsanga buwutsa.

Nende tsimitsanga amakhuwa koosi!

Nende tsiokhwawukhasia nitsikabukhasia.

Nende khutsiyilanga amachelo.

Tsibe khubo eshichila nohomba amekanyilisio.

Toto bwene kamulakungwa kaliba!

Olwe tsing’iningini tsilirusibwayo.

Ne olwe likulu liliatisibwa.

Ne olie tsingulu tsilipurusibwa.

Ne olwa Abarumwa balihebwa ebise biabu.

Ni inyanga shina yakasilibwa amakhuwa ako ?

Khu Inyanga yokhwaukhania.

Ne shina shikhumanyia inyanga yokhwaukhania?

Eshinyasio eshikhongo inyanga eyo shiliba khubakhayi.

Shikhwa sishia abaranjila.

Mana nikhubalondiakhwo abandi?

Endio nilwakhukholanga abandu ababii.

Eshinyasio eshikhongo inyanga eyo shiliba khubakhayi.