Ne nibakhaya manya mbu toto Nyasaye yamanya muno abonooni.

Boola; “Enywe abaandu beshitabu itsee khulikhuwa elia habwene hakari wefu ninenyu, khulalaama yesiyesi owulali Nyasaye tawe, ne khulamutsokasiakho nende shiosishosi tawe, nekhulakholana efwe khwefwe okhuba eminyasaye emilesi chilali Nyasaye tawe.” Ninibakhaya boola mbu; “Mube abaloli mbu efwe khuli abasalamu.”

Enywe abaandu beshitabu, shichila shina nimuyingananga khu Ibraheem, ne Itaurati nende Injili shibieshibwa halali niyakhamala okhutsia. Kho shimuparangakho tawe.

Lola enywe bano muyingananga khumakhuwa ka mumanyile, Ne shichila shina lano muyingananga khumakhuwa kamukorerwe? Ne Nyasaye Amanyile nanyu mukorerwe.

Ibraheem shiayali omuyahudi nohomba omukiristo tawe, halali yali omulunjifu omwihotselefu(Omusalamu) ne shiyali mubatsookasi tawe.

Abandu bali ahambi nende Ibraheem muno ni balia abaloonda Injili yiye nende omurumwa uno nende abasuubili. Ne Nyasaye niye omulindi wabasuubili.

Kuliwo omukanda khubandu beshitabu bekombanga okhubakosia, ne shibakosia tawe halali bekosia abeene, nabo shibamanyile tawe.

Enywe abaandu beshitabu, shichila shina mukhayanga ebimanyisio bia Nyasaye na enywe toto nimulolanga.