Niwoluyali ulia wobwaami bwoosi buli mumukhono kukwe naye ni Omunyala wabuli eshindu.
Mushaf reader · page 562 of 604
67:1–67:12
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Owaloonga lifwa nende obulamu khulwa okhubateema mbu niwina mwinywe ukhola amalayi, naye niye Owaamaani muno, Omunji wobulesheli.
Niye owalonga amakulu saba malondokhana. shiwakhalola khubuloonji bwo Omunji Wetsimbabaasi obwawukhani tawe. Kalusiakhwo tsimoni! olalolakhwo obuleemefu bwosibwosi?
Mana khandi kalusia tsimoni tsio olwakhabili, tsilakhukalushila omwene, nitsibeelele natsio nitsichoonyele.
Ne toto bwene khwarona likulu lieshialo elia hambi nende tsitaa, ne nikhutsikhola okhuba eshikhupo khumashetani, Nekhwabarecheshela eshinyasio shiomulilo.
Ne balia bakhaya okhuloonda ka Nyasaye wabu, balinyoola eshinyasio shia Jahanam , ne ni amenjililo amabii po karie ako!
Ne olwa balisukunwamwo balikuwulila nikuwoola ne nikupupuchila.
kukhaaba okhukhalikhamwo khulwoburuma. buli olwa Omukanda kusukunwamwo, abalindi bakwo babareeba mbu: “ omwikanyilisi shiyabetselakhwo tawe?”
Baliboola mbu: “toto bwene Abekanyilisi bakhwitsila nenikhubafukula ne nikhuboola mbu: Nyasaye shiyeshiakhwo shiosishiosi tawe, enywe amukhali butswa mubukori obukhongo.
Ne baliboola mbu: “khumanyanga khuwulila mana khuloonda, shikhwakhabeele mubandu bomulilo tawe.”
Mana nibalifuchilila tsimbi tsiabu, mana nibasukunwa mubandu bomumulilo.
Toto bwene balia baria Nyasaye wabu mukabalalola , bali nende obulesheli nende omurungo omukhongo.
بِسْمِ اللَّهِ الرَّحْمَٰنِ الرَّحِيمِ