Boola mbu: “esie ndalomesibwa okhulaama Nyasaye mubutswenufu .
Mushaf reader · page 460 of 604
39:11–39:21
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne ndalomesibwa okhuba weyimbeli mubasalamu.
Boola mbu: “ esie eritsaanga eshinyasio shie inyanga ikhongo nekhaya okhuloonda ka Nyasaye omulesi wanje.”
Ni Nyasaye butswa wenamaanga nemutwenushila.
Kho lame shia mwenya oulali ye. Boola mbu: “toto balia abatiba nibalia batibia emioyo chiabu nende abandu babu inyanga yeyindukho, koo manye mbu, okho nikho okhutiba khwa habulafu.
Baliba nende ebichelo biomulilo biawukhane hekulu nende hasi wabu, endio nilwa Nyasaye arisia abandu bebe, enywe abasumba banje muurie.
Ne balia basita ehale khubulaami bwobukori mana nibamukalushila Nyasaye, basubisibwa obulayi imbeli wa Nyasaye , subisia abasumba banje.
Balia bawulilanga likhuwa mana nibaloonda lilia lilayi lialio, abo nibo ba Nyasaye yalunjisia, ne abo nibo bamachesi.
Ne ulia okhoyeshele okhunyoola omurungo kweshinyasio, kho ewe olinobunyali bwokhuhabina uli mumulilo?
Halali balia baria Nyasaye wabu balinyoola tsigorofa ebikoro biombakhwa hekulu webindi,emialo chiburanga hasi wabio, indache ya Nyasaye ne Nyasaye shanyala okhwima shiayakhulaka tawe.
Koo shololangakhwo shinga Nyasaye yeshinjia amaatsi okhurula mwikulu, mana nakabusia mutsindoto mwiloba, mana namesilia emimela chikabukhane obukondo, mana chiume chikalukhane chibe namabuyu, mana achikhole amasakaria , toto mu ako khulimwo nende eshitsulisio khubandu bamachesi.
الزمر