Ne (bestulile) Inyanga yalibakhung’asia boosi, mana aboolele abamalaika mbu: “ koo bano babalaamanga?”
Mushaf reader · page 433 of 604
34:40–34:48
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Baliboola mbu: “ oli ehale nende obulemefu bwosibwosi, Newe omuhelwa wefu, shini abo tawe, halali bo balaamanga amajini, ne abaanji mubo bakasuubilanga.
Kho Nyanga yino abulaho ulinyala okhukhoonya owashie khubulayi nohomba khububii. Ne khuliboolela balia bakhola obubii mbu: “ pile eshinyasio shiomulilo, shilia eshiamwayingananga.”
Ne nikhubasomela tsinyaali tsiefu etsiahabulafu, nibaboola mbu: uno shini shiosi shiosi tawe halali omusatsa wenya okhubasitia ehale nende aka bapapa benyu balaamanga,” nenibaboola mbu: “kano shini shiosi shiosi tawe halali obubeyi obwachikhwa” Ne nibaboola balia bakhaya olwa obwatoto bwabetsela mbu: “buno shineshindu tawe halali obulosi obwabulafu.”
Ne shikhwabahelesia ebitabu biabasomanga tawe nohomba shikhwabarerekhwo omwikanyilisi imbeli wuwo.
Nebalia bali embeli wabu nibayingasia, Ne bashili okhula ebuleka wa ekhumi, ewa khwahelesia abo, bayingasia Abarumwa banje, kho eshinyasio shianje shiali shirie?
Boola mbu: “Toto esie ebachelelanga likhuwa elala butswa, mbu mweme shichila Nyasaye, babili babili, nende shiamulala shiamulala, mana mupare mbu; owashienywe uno abula lilabu, ye ni omwikanyilisisa wenyu eshinyasio eshilulu nishishili okhula.
Boola: “Omurungo kwebasaba oko ni okwenyu enywe, omurungo kwanje kulisa khu Nyasayesa, naye ni Omuloli wabuli eshindu.
Boola: “Toto Nyasaye wanje arusinjia obukori khubwatoto, naye ni omumanyi muno wa akefisile.
سبأ