Kano shikalisa halali ebima biabandu bakhale.
Mushaf reader · page 373 of 604
26:137–26:159
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne efwe shikhulihebwa eshinyasio tawe.
Mana nibamuyingasia, nenikhubasishia, toto mukano khulimwo nende ameeko, halali abanji mubo shibali abasuubili tawe.
Ne toto Nyasaye wuwo niye Owa amaani Owetsimbabaasi muno.
Babu Thamudi bayingasia Abarumwa.
Olwa omusiani wabu ulangwa mbu Swaleh yababoolela mbu; “koo shimuritsanga tawe?”
“Toto esie endi khwinywe omurumwa omwisikwa”
Kho murie Nyasaye ne muwulile.
“Ne shebenyakhwo omurungo khukano tawe, omurungo kwanje kulisa khu Nyasaye omulesi webiloonje biosi.”
“Koo mulalekhwa nomulembe khukali hano khwinywe?
“Mumikunda nende tsisebele”
Nende imimela nende mitende chie bibuli ebilayi.
“Ne muyabanga mutsingulu tsinzu mubuchesi.”
Murie Nyasaye ne muwulile.
Ne mulaloonda amalako ka aboononi tawe.
Balia bakholanga obutobela khushialo neshibakasinjia tawe.
Nibaboola mbu:” toto ewe olimubalia abalokwa.”
Ewe sholi shiosi shiosi tawe halali omundu shinga efwe, kho rerakhwo eshimanyisio nikakhali mbu oboolanga obwatoto.
Naboola mbu : “ingamia ino ibe nende ebise biayo biokhunywa , nanyu mwesi mube nende ebise biokhutaya ebimanyishe.”
Ne mulayitilakhwo khububii tawe, eshinyasio shieyinyanga ikhongo shiaboolela.
Halali bo nibayiira, mana nibaba bokhwiyitsulisia.
Mana eshinyasio nishibeshela , toto mu ako khulimwo nende ameeko , halali obunji bwabu shibasuubila tawe.
Ne toto Nyasaye wuwo niye owa amaani owetsimbabaasi muno.
الشعراء