Ne olwa emikanda chibili chialolana, Abandu ba Musa nibaboola mbu; “toto efwe khunyoolwa”
Mushaf reader · page 370 of 604
26:61–26:83
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
(Musa) Naboola mbu; “Shikali kario tawe, toto Nyasaye wanje ali halala ninasi, toto yetsa okhulunjisia.”
Mana nikhufimbulila Musa mbu khupa indabushi yiyio khu inyanza” Mana nikabukhana, ne buli elubeka niba shinga olukulu olukhongo.
Mana nikhureraho abandu bandi balia.
Mana nikhuhonokosia Musa nende balia abali halala ninaye boosi.
Mana nikhusishia abandi abo.
Toto mu ako khulimwo nende ameeko, halali abanji mubo shibasubilanga tawe.
Netoto Nyasaye wuwo niye owa amani owestimbabaasi muno.
Ne basoomele amakhuwa ka Ibrahim.
Olwayaboolela papa wuwe nende abandu bebe, mbu; “Shina shiamulamaanga?”
Nibaboola mbu; “Khulaamanga ebifwanani tsinyanga tsiosi khubilamanga”
Naboola mbu; “Koo, bibawulilanga olwamubilanganga?”
“Nohomba bibakhonyangakho (nimubilama) nohomba bibawumisinjia(nimukhaya okhubilama?)
Nibaboola mbu; “(Shibikholanga ako tawe) halali khwanyoola bapapa befu nibakholanga bario.”
Naboola; “koo Mulolanga ebia mulaamanga ebo?”
“Enywe nende abakofu benyu abaranjilila?
Toto abo ni abasuku banje(ebamulamanga abo) halali Nyasaye webiloonje bioosi.
“Ulia owaloonga esie naye niye ulunjisinjia”
“Ne niye ulia undisinjia ne yanywesinjia”
“Ne nendwala niye umboninjia”
“Ne niye ulifwisia ne alinamusia”
Ne niye wesubilanga mbu alindeshela ebionono bianje inyanga yamurungo.
Nyasaye wanje! Mbelesia amachesi kokhubusia ne unde halala nende abakholi bamalayi.
الشعراء