Balia abakholanga kabalakana nende Nyasaye wabu ne shibafunakanga indache tawe.

Ne balia bongasinjia aka Nyasaye yalomesia okhungasibwa. Ne baritsanga Nyasaye wabu. Ne baritsanga okhubalwa okhubii.

Ne balia besumilisinjia okhwenya obuchami bwa Nyasaye wabu, mana nibalumilila okhulaama, mana nibayinia omukabo kwa khubakabile eshihanwa mubwifisi nohomba habulafu, ne balondinjia lilayi khuliibii, abo bali nende omurungo kwe inzu yo mwikulu.

Emikunda chilaliwa tawe balinjilamwo nende balia bakhola obulayi mubakofu babu nende abakhaye babu nende olwibulo lwabu. Ne abamalaika balinjililanga mwo buli mumuliango.

Omulembe kube ninanyu khukalia akamwefwila, kho ni obulayi buli burie bwe yinzu yomwikulu.

Ne balia bafunakanga indache ya Nyasaye, nibamalile okhulakana, ne bakhalakanga ka Nyasaye yalomesia okhungasibwa, ne bakholanga obulianga khushialo, abo bali nende eshitsubo nebalinyoola inzu imbii.

Nyasaye afungulilanga omukabo owayenya, ne atutuyilinjia owayenya. Ne basangalilanga obulamu bwokhushialo, Ne obulamu bwokhushialo nochelasia nende bwomwikulu shineshindu tawe halali omwikhoyo omutiti.

Ne abakhayi baboolanga mbu; “Shichila shina shikhweshilibwa amangalimwa okhurula khu Nyasaye wuwe? Boola; “ Toto Nyasaye alekhulanga akoree owayenya, ne alunjisinjia abamuchomakhwo ewuwe.

Balia basuubila mana emioyo chiabu nichihotselesia khukhwitsulila Nyasaye. Wulile ne mumanye mbu:! Khukhwitsulila Nyasaye emioyo chihotselesinjia.