Ewuwe ni wakali amalaamo katoto, Ne balia balaamanga owulali ye, shibakalusibungwa shiosi shiosi tawe. halali bali shinga ulia ubambule amakhono kaye kabili mumatsi mbu kho koole mumunwa mumwe, halali shikoola tawe, Ne amasayo kabakhayi shikali halali mubukori butswa.
Mushaf reader · page 251 of 604
13:14–13:18
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne binamilanga Nyasaye ebili mwikulu nende khushialo, nibichamile nohomba nibikhayile. Nende kata ebinikhabiabu itsuli nende ingolobe.
Boola; “niwina Nyasaye welikulu nende eshialo? Boola mbu; “Ni Nyasaye” Boola; “Koo mukholanga abanyasaye bandi abalali Nyasaye? Ababula shiosi shiosi, khubo abene eshilayi nohomba eshibii” Boola; “ Koo banyala okhuba nashilala omuwofu nende ulolanga? Nohomba biakhaba nashilala eshilima nende obulafu? Nohomba bakholelanga Nyasaye abatsokaasi abaloonga shinga Nyasaye yaloonga, mana ebilonje bibafwananile. Boola “Nyasaye niye omuloonji wabuli eshindu, naye niye mulala butswa owubusinjia liayenya.
Yeshia amaatsi okhurula mumaleesi, ne emiombe nichikhulukusia amaatsi khushichelo shiachio. Ne mana okhwitsula khwamaatsi nikhubukula lifilo libunjikhanga hekulu wamaatsi. Ne mubilia ebiabasalulanga mumulilo okhwenya okhuronela ebindu- biosi birusinjia lifilo. Endio nilwa Nyasaye achelasia abwatoto nende obubeyi. Lifilo elo liburanga butswa shinga amakokha, ne bilia bikhoonya abandu, bitong’anga khushialo, endio nilwa Nyasaye achelasinjia.
Balia bafuchilila Nyasaye wabu balinyoola obulayi, Ne balia balamufuchilila tawe kata nibaba nende ebindu bili mushialo bioosi, nende ebindi nibimetakhwo, bakharusiyie benunula, Abo bali nende okhubasibwa okhubii. Ne eshimenyo shiabu nimumulilo, ni habundu habii muno.
الرعد