Firauni naboola mbu; “Munderere buli omulosi amumanyi muno.”
Mushaf reader · page 218 of 604
10:79–10:88
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne olwabalosi betsa Musa nababoolela; “Sukune biamwenya okhusukuna”
Ne olwa basukuna, Musa naboola mbu; “Akamurerere kano ni obulosi, toto Nyasaye yetsa okhubufunaka. Toto Nyasaye shatinyisinjia ebikhole biabandu bokhunyasia tawe.”
“Ne Nyasaye yetsa okhwemia obulaamba khu makhuwa keke kata ababii ni basinyishe.”
Ne shibasuubila khu Musa halali abandu batiti okhurula khubandu be, Nibariire Firaun nende abandu baye okhubasandia. Toto Firauni yali omufuru khushialo, ne toto ye yali mubalia babura eshichelo.
Musa naboola; “Enywe bandu banje nimuli mbu musuubile Nyasaye, mumwisiche ye butswa, toto nimuli abelekhulanga khuye. (abasalamu)
Nibaboola mbu; “khwisichile Nyasaye, Ewe Nyasaye wefu omulesi olokhukhola khwanyoola obunyakhani okhurula khubandu ababii abo tawe.
Ne khuhonokosie khulwetsimbabaasi tsitsio okhurulana nende abandu abakhayi.”
Mana nikhufimbulila Musa nende omusiani wabu obufimbuli buno mbu:, “Bakasilie tsinzu abandu benyu Misri ne mukhole tsinzu tsienyu okhuba habundu akhukholela amalaamo , ne mulumilile okhulaama ( iswala), ne subisia abasubili.”
Musa naboola mbu; “Nyasaye wefu omulesi, toto ewe wahelesia Firauni nende abakhongo bebe ebirone nende omwandu khubulamu bwo khushialo buno, Khulwako bakoselinjiakhwo abandu khunjila yiyio. Nyasaye wefu omulesi, salania omwandu kwabu ne oboye emioyo chiabu, balasuubila tawe okhula balole eshinyasio eshilulu.”
يونس