Ne basomele amakhuwa ka Nuhu, alwa yaboolela abandu bebe mbu, “Enywe bandu banje,nikali mbu okhwikhala khwanje ninanyu nende okhubetsulisia khwanje ebimanyisio bia Nyasaye khubasinyile.(manye mbu) esie ndisichile Nyasaye, kho enywe khung’asie amakhuwa kenyu nende abiamutsokasinjia bienyu mana likhuwa lienyu lia mubusia libe habulafu, mana mumbusilie okhumala ne melambelesia obwiyangu tawe.
Mushaf reader · page 217 of 604
10:71–10:78
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne nimukhaya, esie shebasabanga omurungo tawe, omurungo kwanje shikuli halali khu Nyasaye. Ne ndalomesibwa okhuba mubalia abelekhulanga khuye.
Halali bamuyingasia, mana nikhumuhabina ye nende balia bali ninaye, muliaro (musafina), nenikhubakhola bo nibo abatong’a, ne nikhuyibisia balia abayingasia ebimanyisio biefu. Kho henga shingala yali indukho ya abandu bekanyilisibwa.
Mana nikhuruma abarumwa abanji inyuma wuwe, khubandu babu. Mana nibebetsela nende ebifune bili habulafu. Ne shibali nibakhasubila akabayingasia mukhuchaka, na endio ni lwakhuretsanga ebimanyisio khumioyo chia abandu baburanga eshichelo.
Mana okhurula khu abo nikhuruma Musa nende Haruni khu Firauni nende abandu bebe abakhongo, nende ebimanyisio biefu, mana nibafura, ni baba abandu abetsimbii.
Ne olwa obwatoto bwabetsela okhurula khwifwe, baboola mbu:” toto buno ni obulosi bwa habulafu.”
Musa naboola mbu; “koo muboolanga endi khubwatoto bubeetsele? Mbu buno nobulosi? Ne abalosi shibaburanga tawe?”
Nibaboola mbu; “Koo witsile mbu okhurusie khukalia akakhwanyoola nako bapapa befu, mbu kho obukhongo bube obwenyu enywe khushialo, shikhunyala okhubasuubila tawe.”
يونس