Please wait while the requested workspace is prepared.
Mushaf reader · page 213 of 604
Read the protected Arabic beside the current Luhya translation, beneath each āyah, or as a continuous translation page.
Boola; “Alikho muabo abamutsokasinjia Nyasaye , ulia owachachia okhuloonga ebilonje, mana alibikalusia? Boola; “Nyasaye niye wachachia ebilonje khandi niye ulibikalusia. Kho mukalukhanibungwa yena?”
Boola mbu; “Koo khulikhomwo nende mubamutsokasinjia Nyasaye abo ulunjisinjia khubwatoto?” Boola mbu; “Nyasaye niye olunjisinjia khubwatoto” Kho ulia ulunjisinjia khubwatoto shiniye okhoyekhana muno okhuloondwa nohomba ulia ulalunjisinjia halali okhula alunjisibwe? Kho muli nende shina, Mubusinjia murie?
Ne obunji bwabu balondanga butswa amaparo kabu, ne okhuparirisia shikhukhonyakhwo imbeli wobwatoto shiosi shiosi tawe. Toto Nyasaye amanyile muno koosi akabakholanga.
Ne shikanyalikhana mbu Ikurani ino, yakasibwasa mbu shirula khu Nyasaye tawe, halali ifuchilisania nende akali imbeli wayio, ne ni amebaalo neshitabo shibula obukanakani, ne shirula khu Nyasaye Omulesi webilonje bioosi.
Nohomba baboolanga mbu yakasibwasa boola mbu;” Nakhayitsekhwo nende Isura ndala ili shinga ino, ne mulanje bamunyala balali Nyasaye tawe, toto nimuli abatoto.
Halali bayingana akababula ninako obulaamba, ne obwatoto bwako bushiili okhuboolela, ne endio nilwabayingana balia abali imbeli wabu, kho lola shinga indukho yabandu ababii yali.
Ne mubo baliwo basuubilanga muyo, ni mubo baliwo balasuubilanga muyo, na Nyasaye wuwo Omulesi amanyile muno (abobutobela) abokhunyasia.
Ne nibakhuyingasia boola mbu;” endi nende ebikhole bianje, nanyu muli nende ebikhole bienyu, Enywe muli ehale nende akekhola ne esie siesi endi ehale nende akamukholanga.”
Ne mubo baliwo bakhuwulilisinjia, Ne koo wakhanyala okhukhola abekala amarwi bawulila nibalawulilanga tawe?
