Toto balia balasuubilanga okhubukana ninafu, mana nibachama obulamu bwokhushialo ne nibabubunakhwo, nende balia abang’ang’alanga khu bimanyisio biefu.
Mushaf reader · page 209 of 604
10:7–10:14
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Abo eshimenyo shiabu shiliba mumulilo khu kalia akabakholanga.
toto balia basuubila mana nibakhola ebikhole ebilayi, Nyasaye wabu alabalunjisia shichila obusuubili bwabu, mwikulu-(Mumikunda) emialo chibura hakari wachio, mumikunda chobwokholo.
Amalaamo kabu mwo kaliba “ Oluyali nilulwa Nyasaye wefu” Ne amashesanio kabu kaliba “Muleembe” ne amalaamo kabu kokhumalilikha kaliba mbu” Oluyali lwoosi ni lwa Nyasaye, Omulesi webilonje biosi.”
Ne Nyasaye ahelesinjia abandu obubii lwangulwangu, shingala bayuyukhanilanga okhurererwa amalayi, toto bakhabusilibwe ebise biabu.(bafwa) Kho balia abalaritsanga okhubukanana ninafu khubalekhanga mubukori bwabu, banyakhane butswa.
Ne obubii nibutila omundu akhulamanga nakonelee olubafu lulwe, nohomba niyekhaale nohomba niyemele. Ne olwa khumuwoninjia ni khumurusiliaho libii lilia, akhuburangakhwo opara mbu shiyakhusabangakhwo mbu Khumurusiliewo amabii kamunyoola akabura ako tawe. Endio nilwa balia babusinjia eshichero baronilungwa akabakholanga.
Ne toto khwamala okhusishia abandu abanji imbeli wenyu, olwa bakhola amabii. Ne Abarumwa babu babetsela nende ebifune bili habulafu, halali shibali basuubila tawe, Ne endio nilwakhurunganga abandu ababii.
Mana nikhubakhola enywe okhubukula habundu wabu khushialo bonibakhamala okhusishibwa kho khulole shinga mukhola.
يونس