Obasabile eshileshelo nohomba obule okhubasabila eshileshelo (Kosi ni halalasa awo) ne kata nobasabila eshileshelo mara amakhumi saba, Nyasaye shalabaleshela tawe. Endio ni lwokhubeela mbu bakhaya Nyasaye nende Omurumwa wuwe, Ne Nyasaye shalunjisinjia abandu ababii tawe.
Mushaf reader · page 200 of 604
9:80–9:86
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Abatong’a inyuma basangala, khukwikhala khwabu okho inyuma wo Omurumwa nende Nyasaye, ne okhupanila idini ya Nyasaye nende Omwandu kwabu nende emioyo chiabu khunjila ya Nyasaye nibibasinya. Ne nibaboola mbu mulatsia muliyie nende mumubasu kuno tawe, Boola; “Omulilo kwa Jahannam kuli nende obubafu obunji , bamanyangakhwo?
Kho batseshe hatiti(khushialo khuno) ni balilila muno(mwikulu) oko nikwo omurungo khu kabakholoanga.
Kho Nyasaye nakhukalusia mumukanda mulala mubo mana nibakhusaba obwiyangu bwokhurula (okhutsia mwiyie) Boola; “Enywe shimularula tawe halala ninasi ni shimulalwania ninasi omusuku tawe, enywe mwachama okhwikhala olwokhuranga, kho ikhale halala nende abatong’a inyuma.
Ne olasabila yesiyesi mubo ufwa tawe, ne oleema khushilindwa shishie tawe, toto abo bakhaya Nyasaye nende Omurumwa wuwe, ne bafwa nibali abafunachi ba malako.
Ne emiandu chiabu nende abaana babu bilakhuchamisia tawe, Nyasaye yenya okhubasandia khwako khushialo, ne emioyo chiabu chirule nabo ni bali abakhayi.
Ne olunyaali nilwishibwa niluboola mbu; “musuubile Nyasaye ne mulwane halala nende Omurumwa wuwe” abobunyali nende abayinda mubo bakhusaba obwiyangu ni baboola mbu; “Khuleshe khuli halala nende batong’a.”
التوبة