Benyanga okhusumia ubulafu bwa Nyasaye nende eminwa chiabu, ne Nyasaye yakhaya mbu okhuula obulafu bubwe buule; kata nikasinyile abakhayi.
Mushaf reader · page 192 of 604
9:32–9:36
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Niye owaruma Omurumwa wuwe khubulunjifu nende idini yatoto, kho ikhole okhushila tsidini tsindi tsiosi kata nikasinyile Abatsokaasi.
Enywe abasuubila, abanji mubasomesia(abayahudi nende abakiristo) nende abasosoroti, balitsanga omwandu kwa bandu khububii, ne bekalilanga abandu khunjila ya Nyasaye. Kho balia ababunjelesinjia idhahabu nende ifedha mana bakhaye okhuyirusia khunjila ya Nyasaye, basuubisie amacheni keshinyasio shiwumisinjia.
Inyanga yomwandu oko kulibasibwa olwa balirebwa mumulilo kwa Jahannam, mana bapaswe ninako khubweni bwabu nende tsimbafu tsiabu nende emikhono chiabu(mana baboolelwe) “Kano niko kamwebishila nemikhono chienyu kho pile kalia akamwakhung’asinjia abeene.
Toto emiesi imbeli wa Nyasaye ni ekhumi nachibili mushitabu shia Nyasaye. inyanga yayalonga likulu nende eshialo, mumiesi echo khulimwo nende chine echioluyali muno, eyo niyo idini ili habwene, kho mulakholamwo obubii tawe, ne lwane nende abatsokasi shinga abo boosi balwananga ninanyu, ne manye mbu Nyasaye ali halala nende balia abamuria.
التوبة