Khupane ninabo, Nyasaye abakhupanga okhwikhonyela emikhono chienyu, yetsa okhubakhola abatiti ne yetsa okhubahabina okhurulana ninabo, ne ohonie emioyo chia abandu abasubila.
Mushaf reader · page 189 of 604
9:14–9:20
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne yetsa okhurusia likhonye liomumioyo chiabu, ne alaleshela owayenya, ne Nyasaye ni Omumanyi Owamachesi muno.
Koo, mparanga mbu mulalekhwa butswa, Nyasaye nashili okhwawukhasia balia abalwanila idini mwinywe, nende balia abalakhola abetsa babu bambusia ngonie okhuyimiakhwo Nyasaye nende Omurumwa nende abasuubili, Ne Nyasaye amanyile muno kamukholanga.
Shikakhoyeshele abatsokaasi okhubalikha mbu bemelelanga emisikiti chia Nyasaye ne bemanyile abene mbu nabakhayi , abo ebikhole biabu ebilayi bitsile akhaya, bali menya mumulilo tsinyanga tsiosi.
Toto balia bemelelanga emisikiti chia Nyasaye, nibalia basubila Nyasaye nende inyanga yeyindukho, mana nibalumilila okhulama ne nibahinia eshihanwa, ne nibalaria yesiyesi halali Nyasaye, abo nibo basubilwa okhuba abari ba Nyasaye.
Koo mparanga mbu okhwunywesia amatsi abandu betsele ukhuhija nende okhwemelela omusikiti kwoluyali khuli shinga ulia owasubila Nyasaye nende inyanga yeyindukho mana nalwanila idini? Shibayelanakhwo tawe imbeli wa Nyasaye. Ne Nyasaye shalunjisinjia abandu ababii tawe.
Balia abasubila mana nibawuya mana nibalwanila khu injila ya Nyasaye, nende omwandu kwabu nende emioyo chiabu, bali nende eshisala eshikhongo imbeli wa Nyasaye ne abo nibo balibura.
التوبة