Please wait while the requested workspace is prepared.
Mushaf reader · page 188 of 604
Read the protected Arabic beside the current Luhya translation, beneath each āyah, or as a continuous translation page.
Kakhaba karie ukhubao indakano nende abatsokasi imbeli wa Nyasaye nende imbeli womurumwa wuwe, okhuyiniakhwo balia abayalakana ninabo imbeli womusikiti kwo Luyali? Kho mana ngala babeemela khubulayi mwesi mubeemele khubulayi, toto Nyasaye yachama balia abamuritsanga.
Ni karie, nibabashila shibahenganga mwinye olwikho nohomba indakano tawe. Bakhusangasinjia butswa nende eminwa chiabu, ne emioyo chiabu chikhayile. Ne abanji mubo ni abakori.
Babukula obukusi butiti bwokhushialo habundu wokhukhaaba ebimanyisio bia Nyasaye ne bekalilanga abandu khunjila yiye, toto ni amabii muno akabakholanga.
Shibahenganga khubasuubili olwikho nohomba indakano tawe, abonibo babuririranga eshichelo.
Ne nibasaba(Nyasaye) eshileshelo mana nibalumilila okhulaama, bayinia eshihanwa (izakaa,) baba bali abaana benyu mudini, ne nilwa khwinoosinjia ebimanyisio biefu khubandu abamanya.
Ne nibafunaka ebitsubo biabu nibamalile okhulaka mana banyeka idini, kho yire ebemilisi bo bukhayi. Toto ebitsubo biabu bibula obukhala,(mulwane nabo) bakhababario banyoola okhulekha.
Koo shimulakhupana nende abandu bafunaka indakano ne nibasuubila okhurusia Omurumwa, nabo nibo baranjilila oburasi olwambeli ? Koo mubaritsanga?. Nyasaye niye wamukhoyeshele okhuria butswa toto nimuli abasuubili.
