Nebalia abamulamanga balali Nyasaye shibanyala okhubahabina nohomba okhwihabina abeene tawe.

Ne nobalanga khubulunjifu shibawulila tawe, ne olabalola bakhuhenganga halali shibalolanga tawe.

Tilane nende obulesheli, ne alomesie amalayi, ne olekhane nende abasilu.

Ne eshibeyibeyi shia shetani nishikhunyasia, wilinde khu Nyasaye(boola; Audhu billahi). Toto ye niye Omuwulili Omumanyi muno.

Balia abaritsanga Nyasaye olwa shetani obafulukunyanga(bakhola amabi, shinga okhuyingana nende abasilu) betsulilanga mana balola injila.

Ne abananda babu, babakhweselanga mubukori mana bo shibalekhanga tawe.

Ne nolabarerera olunyali (olwabenya) baboolanga mbu; ‘shiwakha kasiyesa ewe omwene?’ Boola mbu’ “esie enondanga kefimbulilwe okhurula khu Nyasaye wanje. Bino ni ebimanyisio birulanga khu Nyasaye wenyu ne ni obulunjifu nende tsimbabaasi khubandu basuubilanga.

Ne Ikuruani nisomwa murechelesie ne muwulele kho munyoole tsimbambaasi.

Ne yithulila- Murumbule- Nyasaye wuwo mumwoyo kwao, ne olakhupa oluyoka tawe, mumakhuwa, itsuli nende ing’olobe, ne olaba mubalia abang’ang’ala tawe.

Balia abali ewa Nyasaye wuwo(nabo ni Malaika) shibali abafuru okhumukholela kayenya tawe, ne bamwitsominjia ne bamwinamilanga.