Please wait while the requested workspace is prepared.
Mushaf reader · page 170 of 604
Read the protected Arabic beside the current Luhya translation, beneath each āyah, or as a continuous translation page.
“Ne okhuhandichile amalayi khushialo khuno, nende mutsuli ‘mwikulu’. Efwe khukhukalushila; Nyasaye naboola mbu: “Eshinyasio shianje ndalahelesia owandenya, ne tsimbambaasi tsianje tsiaswana buli eshindu; nditsa okhwutsiandichila balia baritsanga akandakana, nebarusinjia eshihanwa, nende basuubilanga ebimanyisio biefu.
“Balia abalondanga injila yomurumwa, Omurumwa ulamanya okhusoma nende okhuhandika tawe, owabalolanga yahandikwa mutaurati nende Injili ubachelelanga okhukhola amalayi nende okhubakania okhukhola amabii, nende akhubatiukhula emisiko nende eminyororo chiabali nibaboywa. Kho balia abamusuubila mana nibamuwa oluyali mana nibamuhabina, mana nibaloonda obulafu obweshibwa halala ninaye abo nibo balibura.
Boola;(Ewe Mohammad)”Esie endi Omurumwa wa Nyasaye, khu enywe mwesi, owuli nende obwami bwo mwikulu nende khushialo obulao Nyasaye wundi wulali ye, ahaananga obulamu khandi niye ufwisinjia, kho suubile khu Nyasaye nende omurumwa wuwe, owakorwa okhusoma nohomba okhuhandika, owusuubilanga Nyasaye nende amakhuwa keke, Kho muloonde injila yiye kho munyoole okhulunjikha.
Ni mubandu ba Musa balimo balunjisinjia abashiabwe khubwatoto. Ne khubwatoto bulunjisinjia.
