Olubasio lwosilwosi lwakhuyiniaho nohomba lwakhukhwibilisia khureranga olundi olulayi okhushilkho olo nohomba shinga lwo, okorerwe mbu Nyasaye ni omunyali wa buli eshindu?
Mushaf reader · page 17 of 604
2:106–2:112
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Shomanyile mbu toto Nyasaye ali nende obwami bwomwikulu nende bwokhushialo, ne mubula omulindi nohomba omukhonyi wenyu owulali Nyasaye tawe.
Nohomba mwenyanga okhureeba omurumwa wenyu shingala Musa yarebwa imbeli hao, ne ukalukhania obukhayi nende obusuubili oyo toto yamala okhukora injila yahabwene.
Ne abaandu beshitabu bekomba muno okhubakalusia inyuma nimumalile okhusuubila mube abakhayi khulweyishinda okhurula mumioyo chiabu, obwatoto nibumalile okhuboolela, kho leshelane mulalingakhwo tawe okhuula shinga Nyasaye aletsa nende okhubusia khukhwe, Toto Nyasaye nomunyali wabuli eshindu.
Ne mulumilile okhulaama (Iswalaa) ne murusie eshihanwa (Izakaa), ne shosishosi shiamuranjilisia enywe abeene mumalayi mulishinyoola ewa Nyasaye, toto Nyasaye alolanga muno akamukholanga.
Ne baboola mbu “abulaho ulinjila mwikulu awulali omuyahudi noho omukristo”, Ako ni amaparo kaabu butswa. Boola mbu “rere ebifune bienyu toto nimuli abahabwene”
Ni habwene, ulia walekhuulila Nyasaye obweni bubwe mana nakhola amalayi, alinende omurungo kukwe ewa Nyasaye wuwe ne balibula obuyendi nohomba shibalibeelela tawe.
البقرة