Ne baboolanga mbu; “sichila shina siyeshilibwa akamakana okhurula khu Nyasaye wuwe? Boola; “toto Nyasaye alinende obunyali bwokhunzishilia akamakana” Halali abaanji mubo sibamanyile tawe.

Ibulao isolo khushialo nohomba liyoni lipurukhanga nende tsimbaya tsibili, halali ni omukanda shingala enywe. Ne sikhwalekha shiosi shiosi okhuboola mushitabu tawe. Ne ewa Nyasaye wabu niwo abalikhung’asibwa

Ne balia abayingana khubimanyisio biefu ni abatimbe,abasilu bali mushiilima. Wa Nyasaye akosiye abulao unyala okhumulunjisia, ne owayenya amuretsanga khunjila ilunjifu.

Boola; “mumbolele eshinyasio shia Nyasaye nishiboolela nohomba eshinyasio shieyindukho nishiboolela- koo mulalanga owulali Nyasaye, toto nimuli Abandu-abahabwene.

Halali niye butswa wamulisaba, naye alibarusiliayo- shiamwenyanga; shiamusabanga nachama, ne mulibilila abamwamutsokasinjia ninaye.

Ne toto khwaruma khu mikanda chiakhuranjilila mana nikhuchira khulumu nende khubutinyu khochinyoole okhuba imihotselefu (olwachiali nichikholele bamusabe)

Khulwashina nibalehotselesia, olwa eshinyasio shiefu shiaboolela halali emioyo chiabu chioma, mana shetani nabaronela akabakholanga.

Olwa bakoyiakoyia akabetsulisibungwa, khwabekulila emiliango chabuli eshindu, okhula shingala basangalila akabahelesibwa, khwababukula mapwoka, mana nibawesiakho omwoyo.